御满江海鲜酒家

过年前来御满江海鲜酒家食饭，对我来讲真系山长水远啊，番禺呢边确实唔系我地头，所以去食一餐饭都几辛苦。
环境几大气嘅，楼底够高，所以感觉唔会太局促。
同亲戚食饭，十几人一围台，点左好多中式菜，呢度近住五湖四海水产交易中心，所以都几多海鲜。见到有人仲系楼下买左新鲜海鲜，直接摞上来加工添。
呢度嘅白切鸡一般般，D肉有D梅嘅，咬落去无韧劲。姜汁年糕就超好味啦，有个亲戚一口气食左三块，好夸张，不过距唔会太黏，而且姜汁真系好好味，我都食左一大块。
其他出品都系一般般啦，纯粹就系迁就亲戚而已，如果自己来，我肯定唔会再拣呢度。
价钱就比较贵啦，而且因为过年期间仲好似有加收之类，所以一餐食落来都好似两三千。