惠食佳 (滨江西路)

呢间酒楼环境都可以啦，虽然装修得唔系太新，不过服务唔错噶，一叫就到了，上菜速度几快手下。
鹅肠，平时基本唔食鹅肠既，不过呢度既鹅肠几爽口下，而且唔会有臊味，口感博博脆甘，酱汁好够味，而且上色得比较深，卖相好靓。
黄鳝焗饭，黄鳝拆佐骨，都系几大条下，肉质好嫩口，好够鲜味，个焗饭索晒黄鳝既甜味，好香口，仲有少少饭蕉甘，好好食。
虾米炒粉，炒得几好，唔会痴埋一块，虾米好大只下，锅气够，推荐。