海晏楼

营业中

休息中

      原本打算哩个月18号中午过来吃，点知要加班，推迟到26号晚上至过来。订咗位先，原本打算订6点，见位置紧张，于是改为6点半。首先坐车系东峻广场站落车，过对面马路坐204到广州大桥底落，右边就係店家了。      我哋大概係6点40分到达，同咨客讲订咗位，位置係大厅，一入门嘅左手边。座位之间比较窄，凳挨住凳。 一楼位置有几张招牌菜嘅图片，其中就有特色葱油飞鱼，68元，玫瑰桶子油鸡半只，53元。于是就点哩两个，青菜点咗蒜蓉炒蕃薯叶，33元，炸酱淮山面，33元，原本点咗个锡骨，部长话无，于是转点姬松茸炒鳄鱼片，68元。点好鎹，部长问係唔係依家上菜。油鸡嘅豉油有小小甜，鸡肉嫩滑。葱油飞鱼拿上来嘅时候鱼係干身嘅，服务员拿葱油淋上，感觉即刻唔同晒。鱼尾係翘起身嘅，係唔係因为哩个原因，所以叫飞鱼吖？！鱼係炸过嘅，比较香脆，几好。蒜蓉炒蕃薯叶不过不失，炸酱淮山面拿上嘅时候，顾住影相，都未睇到原先係点样嘅，服务员就系度拌紧。有青瓜丝伴住，口感会清爽D，不过酱汁比较浓味，略为咸咗D。姬松茸炒鳄鱼片，有芥蓝伴住，红椒，颜色丰富。鳄鱼片厚实，味道几好，就係咸咗D。长辈要吃饭，叫咗三碗白饭，一碗5元。