新亮点

      第三次来哩度了，4月9号晚大概6点半到，店内仲小量位置，入咗里面拣咗个四人位，茶位5元/位，拣咗普洱。哩度有WIFI，上下网，睇下微信，同表妹讲声已到达，叫她打电话比她妈咪。大概7点嘅时候，表妹亦到达。于是点菜先，哩个时候，细姨话可能有6个人。最后，又话唔来了。我已经开咗四个人嘅茶位，谂住无得退，尝试同服务员讲可唔可退茶位，服务员话你确定咗先，阵间再退了。表妹话空调D风吹住冻，于是同服务员讲转位。

坐哩种卡座嘅位茶位要收8元/位。

      自助式茶水，开茶位后服务员会问你饮咩茶，茶叶係单独小包装。 自助点餐机，自己睇餐单系台机上点餐。系另一个位置坐好之际，见到墙上写住茶位无得退。但係头先个服务员讲嘅意思係可以退，于是同个服务员讲退两个茶位，她都帮我哋退咗。

      首先上嘅係像生核桃包，19元有三只，中等大小，入面有花生同芝麻，甜甜哋。

像生核桃包

¥19

      养生杂粮粥，16元，有红枣同玉米粒，红枣可以补血，几适合女生吃嘅一个粥，粥几绵下。

养生杂粮粥

      亮点烧卖皇，19元有四只，两只面头係鲍鱼仔，两只面头係蟹柳。虾肉几饱满下。

亮点烧卖皇

¥19

      西兰黑椒牛仔骨，25元，面头有青椒同红椒，好大块肉，肉质嫩滑，薯仔铺底，薯仔好软绵，不过底部太多油了。

西兰黑椒牛仔骨

¥25

      都就来吃晒D嘢了，半个几钟之后菜必都未上，于是问个服务员，过咗一阵，白灼靓菜心来了，14元，小小红萝卜丝铺面。菜心几好，无青味。

白灼靓菜心

¥14

位置：位于大沙地泰丰广场三楼，附近有地铁站同车站，步行大概3分钟就可以到达，几方便。
环境：有卡座、四人位同六人位，店内有洗手间，不过只得一个洗手位置。
服务：每次都有D唔同，第一次嘅时候，一个男生上点心嘅时候总会讲唔该，好有礼貌。第二次来嘅时候，发放号码筹有D混乱，执台唔勤。哩次都几好，总嘅来讲都几好嘅。