长条蛋糕选咗伯爵芝士蛋糕， 3层蛋糕，2层cream， 唔系好食得出芝士味， 不过cream嘅味道都唔错， 好幼滑，而蛋糕都食得出有小小红茶嘅味道~~
派类选咗四季水果派， 都几大个噶， 有一个手掌咁大， 买相都唔错！饼底稍厚， 都几脆， 但感觉比较腻咯~~ 水果有提子同士多啤梨仲有黄桃， 前2者都系新鲜水果， 黄桃就当然系罐头水果啦！
总结2款蛋糕味道都偏甜， 不过绝对系真材实料， 因为摞起手都几有分量噶！
最后值得一赞嘅系服务员嘅态度， 因为我个水果派系堂食嘅， 见我地切唔开（因为几结实下）就帮我地摞第二种刀嚟切， 仲好贴心咁比埋手套我地用！最后食唔晒要打包易都唔会嫌我地麻烦！！！ 宜家好多蛋糕店嘅人都无咁好态度噶啦！
