林记煲仔饭 (金洲北路)

我都係跟随我妹佢哋嚟骑车踩去长洲玩，当係运动下吧，嚟到都11点，店铺刚刚开冇内，铺头比较细，里面都得3-4张台，通常D人坐出边多，因为里面比较热对住个火头，我哋係出边霸咗个好位，天气比较热，坐落即刻摞咗支汽水降下温顺便点嘢食~！呢度品种都比较多，有分大中细12-15蚊，其实都相差唔大，我就要咗排骨饭，我妹佢哋要排骨加腊味~！
幸好等嘅时间唔会好长都係5分钟左右，香喷喷嘅排骨煲仔饭呈现我眼前，虽然排骨唔算多，但系好入味，再配上小小榨菜，D饭好甘香味，煲底仲有好多饭焦，脆卜卜好好味~！

排骨饭

另外仲会赠送一碗冬瓜例汤，消暑解凉几好，虽然係D味精汤，但系食D冬瓜就OK啦~！

冬瓜例汤

食饭嘅期间都不断有好多人嚟食饭，都係D外来车队同开车嚟食~！