永记沙湾甜品

又到午饭时间,,今次我同Wing的二人搵食团队难得增添新的成员,,仲要一黎就黎三个,,哈哈..所以呢日中午我地决定甜蜜地渡过..几经抉择之后决定去光塔路的永记试下果边D奶糊..本来呢,,Wing姐就话永记系有三色猪肠粉的,,不过去到店家话已经无做好耐了,,于是我地都本住既来之则安之的心态,,先食甜品再食其他加餐..大家的主要目标其实都系奶糊,,所以就唔点其他糖水了..
我点的凤凰奶糊,,呢个同我系应元路果间食的做法唔同..果间系将D蛋黄发开晒先炒,,而呢度就保留蛋黄,,而且仲要系糖心的,,薄薄一层,,一吉就穿了..混合D蛋黄一齐食,,好香好滑..珍珍点的系原味奶糊,,颜色睇上去比我的凤凰奶糊更加黄,,距话炒得好香浓..几满意..净底的三位成员点的都系红豆炒奶糊..缺少呢个尝新的机会啊..试左一啖,,发现呢个红豆已经融晒落D奶糊里面,,好似红豆沙沟奶的感觉,,好香甜..果然唔错..
后来发现原来呢间就系我之前一直想黎试的永记..所以好感又增添几分..相信以后会成为我饭堂之一..