呢间店就系273总站旁边，都几多人帮衬噶！之气都有帮衬开既，后来味道越来越差，就无去啦，果日其他地方无位，就逼住来翻呢度饮中午茶啦，但系味道又唔错啵，不过系服务差D罗！
餐包，第一碟系仲热既，所以好好食，可以讲得上皮薄馅靓罗！但系第二碟可能放耐左，凉左就无甘好食啦！
肇庆裹蒸粽，D糯米好软好香，D豆又好绵，里面既肥猪肉唔多但够晒啦，正！
枸杞猪肝粥，D粥都煮得好绵，料好够！
排骨凤爪同虾饺，好大份，调味都几好，最紧要好新鲜！
萝卜糕，系真系有萝卜噶，胡椒既味道岩岩好，师傅煎既手势都好好博！
我地三个人食左成12碟野，加埋茶位都好似系120蚊度，好抵罗！不过有样唔好既系我觉得呢度既台摆设唔合理，好多都系中大台，搞到成日都要拼台！而且D服务员叫三声应一声，服务跟唔上罗！
以上食记乃用户个人意见 , 并不代表OpenRice之观点。
赞好
