玫瑰甜品 (文明路)

玫瑰系广州既老字号..平时听就听得多喇..但我就真系第一次去食..
作为一个地道既广州人..呢种行为真系要不得,,
所以我会努力补翻去我未去过既广州传统老字号架..
无论系糖水铺定云吞面店..哈哈..

今次就先点评玫瑰先喇..
一直都听过玫瑰同百花都系整双皮奶既..
但玫瑰就专注系杏仁果方面..
而甘岩我又好中意杏仁窝..所以真系Fit晒..

我地入到去..因为之前食完鱼蛋..
所以就一人要左一份甜品就算喇..无认真叫野食..
我就要左一碗杏仁露..因为个人对双皮奶兴趣一般..
入口好甜..好香既杏仁味..
认真睇下..会发现手磨既痕迹..
而且间中会发觉有D杏仁粒出现系你口中..细细咀嚼会有一阵阵杏仁香味..
滑就系几滑..不过有D稀..但食到后面会好腻..会有封喉既感觉..
另外..如果冰冻既话..口感会更好..

崩仔就要左一杯菠萝冰球..
里面D菠萝系罐头菠萝..口感一般..
但雪糕球值得一赞..
好香既椰子味..
令我谂起以前细个食既莲花杯果种椰子味..
有回忆既甜品食落特别有Feel..

环境方面..酸枝台凳都好有怀旧Feel..
但夏天如果只系开风扇既话可能会有D热..
服务方面..我地去到既时候.D阿姨边食晚饭边睇奥运.
但一见我地入去都好好态度甘又叫我地坐又问我地想食咩..
仲介绍距地有咩好野食比我地添..
不过Maybe果个时段少人..所以会甘好态度咯..

总既黎讲..玫瑰名同实都算系相符既..
下次有机会会试下杏仁豆腐..