白雲轩 (白云宾馆)

营业中

休息中

依家甚少有酒楼做下午茶市，一来可能因为客流相对无咁多，付出嘅灯油火蜡又唔少，另一方面可能呢个时段相对难做D吧，特别系五星级酒店来讲，可以饮中式嘅下午茶真系比较少，所以白云轩都系一个几好嘅选择，可惜离我屋企嘅交通唔系算太方便，所以一般都系节假日先会过来。环境好好，而且有免费wifi，大人们饮茶睇报纸，我地就自己顾自己咁wifi上网啦，各得其所，不过，最重要都系相对比较安静，唔会好似出面D酒楼咁人声鼎沸，真系倾计都要叫破喉咙先得咁咯。呢度嘅点心最便宜5.8元，不过选择甚少架啦，一般都系10.8元以上，但系一般下午茶都唔会食好多嘅，所以都无乜所谓啦。最中意距嘅容器，系木质嘅蒸笼，而且同传统嘅有所区别，系方形嘅，比较特别。马拉卷系我嘅至爱，香滑又唔会太甜，真系一流啦。