石头咕餐厅 (芳村大道东)

呢间石头咕系湘菜馆，装修布置都比较时尚，环境几舒服，感觉比其它湘菜馆要卫生。服务员唔系好多，上菜都几快。呢到出品嘅菜式唔算好平，但碟头唔会细，价格都算比较合理。点咗份剁椒鱼头，卖相好靓，鱼头好大只，口感亦都够新鲜，剁椒嘅香辣味深入鱼头里面，相当惹味；香辣牛肉嘅牛肉好嫩滑，除咗辣味仲有鲜味，值得尝试，不过牛肉分量唔多。