点滴爱怀_DIY蛋糕 (已結業)

原谅我呢个无方向感嘅人，开饭网嘅活动我竟然迟到咗一阵... 不过呢间蛋糕DIY嘅铺头入边布置得好童话，细路仔应该会好中意嘅！高中低三个唔同高度嘅台凳，唔同身高嘅人都可以坐低来整蛋糕，好贴心！ 店内主要是提供蛋糕嘅半成品之后等人来帮蛋糕加上装饰，可以加糖，朱古力或者其他果酱咁~朱古力嘅形状有好多，气球，动物，圣诞老人等等，一应俱全吖！糖嘅选择都好多，星星啦，花花啦，心心啦，波点啦~ 当日我地试咗cheese cake同提拉米苏，唔知点解，提拉米苏是有dd酸嘅，佢地话是因为佢地用咗酸奶来整..有咁嘅方法嘅咩？cheese cake个人觉得唔错，cheese味道OK，唔会太甜，男女都啱食！ 至于自己装饰嘅蛋糕，我选择嘅是蓝莓蛋糕，双层蛋糕中间是蓝莓果酱，外边包住厚厚嘅蓝莓忌廉，酸酸甜甜咁唔会太滞，唔错！上边本身就有蓝莓布丁作为装饰，容许我吐槽一下，d布丁唔是咁好食咯~比较硬吖！其他都唔错！！！提前送份圣诞礼物俾自己咯！