一行8人叫咗8份腸粉（每款各二），再加6碗湯，一份齋牛丸，一碗牛丸河。
蝦腸 - 腸粉幾滑，幾好味，都幾多蝦。
牛肉腸 - 牛肉鮮甜。
牛腩腸 - 好攪笑，好似食緊牛腩河咁。
蟲草腸粉 - 幾特別，第一次食，幾爽口。
牛丸河 - 我無食到，但朋友食完話牛丸好好食，所以叫多碗剩牛丸。
魚旦湯 - 魚旦足料，有魚味所以質地較實。
剩牛丸湯 - 紫菜底，有5粒牛丸。果然好好食，好有牛味，香港牛丸無得比。
豬潤湯 - 一般，豬潤太細片，唔夠滑同咬口。
油炸鬼 - 脆，如果配粥就正。
總括來講，都幾好食，腸粉店唔止賣腸粉，仲有多款食物，分店又多，值得去。
