来过哩度几次了，上周五晚细姨无吃饭，于是同表妹一齐过来，她仲叫咗个朋友过来。
环境：有靠近窗边嘅卡座，四人座，六人座。洗手间增加咗洗手液，抹手纸同厕纸。
哩度有靠近窗边嘅卡座，茶位8元。其它座位嘅茶位5元。开完茶位，自助冲茶，自助点餐。方便、快捷。
茶杯印有文字同图案，中国风。
因为唔肚饿，所以无点嘢，见有个梳乎哩，知道表妹钟意吃，同她讲，她即点。睇图片上係一个心形，服务员拿来嘅时候，好大一个，我同表妹哇哇声。面头有D杏仁，上面嘅画作唔好睇。表皮一般，入面吃起身好似空气咁，味道都几好。
表妹点咗野菌饺，因为之前吃过觉得好吃。面头有蟹籽，入面有冬菇粒、红萝卜粒同瘦肉，几好。
蒸排骨，芋头铺底，吃过两块芋头，都几粉下。排骨可以，几嫩滑。
一样咸水角，红萝卜造型，点解个名就咁普通嘅。吃咗一个，味道几好。
七味脆皮肠，肠粉包住玉米粒、虾仁、肉松等，轻微辣。
细姨点咗个艇仔粥，入面有浮皮、鱼片、生菜等，一两块鱼片有D腥。
貌似係奶黄包，无吃，不予评价。
帮细姨点咗个蔬菜河粉，用嘅係宽粉。
