今日行完江南西，同样啦，都系同我最爱嘅家姐去行~~就餐地点选择系繁华嘅江南西百搭果
系江南西，百搭果选系比较经济嘅快餐，呢间店环境都可以虽然细咗啲，但系有二楼，楼梯比较窄
选咗一个靠近窗边嘅位置坐低，我同家姐点咗两个餐，一个黑椒牛柳丝饭￥20+冻柠檬茶￥11
而我就叫咗一个菠萝牛肉炒饭+冰爽茶，系一个套餐嚟嘅，承惠人民币21蚊，觉得套餐比较划算咯
黑椒牛柳饭分量都几大下，有两条菜心咁多，但系卖相整得唔错，牛肉都几滑口下，唔会老
但系柠檬茶冇特色，11蚊个人觉得有啲贵，唔抵！
菠萝牛肉炒饭，同样系好大碟，食到最后我都食唔晒，但系牛肉啊牛肉，你只是碎碎，我差啲睇你唔到啊
送嘅冰爽红茶反而几好饮，甜甜酸酸，而且呢度坐几耐都唔会俾人赶走，算唔错啦！
但系依家百搭果升价都升得好快！鸡扒套餐以前18蚊，依家都20几蚊了。埋单一共52蚊
好啦，就咁先啦~~下次继续！
