大堂的布置像置身竹林，就餐位不少，摆得稍密了些，房间有低消480，红烧乳鸽特价23.8，满3只送1只。
点咗红烧、盐焗、山楂乳鸽，椰青乳鸽汤（打锅）送肉丸，客家蛋角煲，虾酱豆角凉瓜炒茄子，鸽肾焗饭，冰镇牛白腩同打锅的菜……
红烧乳鸽~基本上都系炸嘅了，皮脆肉嫩够香口，味道足够不用点椒盐，好快消灭掉，再补两只。
盐焗乳鸽~按盐焗鸡做法，味道咸香，浓浓沙姜味，连骨都有味，啱送酒，又加点1只。
山楂乳鸽~用山楂做酱汁，焖得好入味，酸酸甜甜，最好食，可惜再点已经卖晒（睇来相当受欢迎呢），唯有连汁都唔放过。
椰青乳鸽汤~椰青汁已经够清甜，再加埋乳鸽肉丸，鲜上加鲜，一阵就饮咗大半煲，但后加嘅唔系椰青水……乳鸽煲淋后食，鸽肉吸收咗椰青味，更加香，比红烧更正。
肉丸~点乳鸽汤唔开发票就免费送，原价系28（小贵），味道很好，肉丸爽，有啲木耳碎，得一致好评。
客家蛋角煲~底下系萝卜丝，清甜，但整体味道唔够咸，蛋角里面冇乜肉碎。
虾酱豆角凉瓜炒茄子~虾酱炒令素菜带咸鲜味，够锅气，凉瓜唔会太苦，茄子够淋。
冰镇安格斯牛腩~牛白腩用冰镇方式整好特别，入口清爽不腻，点芥末豉油提鲜，几好食。
焗鸽肾饭~用电饭煲，少咗砂煲个种风味，鸽肾都唔少，饭松软，还可以。
鲜淮山~煲咗好耐，口感都系咁硬实，唔好食。
依道啲出品味道都做得唔错，就系鸽种唔算太靓，冇4两鸽咁嫩滑多汁，不过算系几抵食嘅。
