超级唔爽嘅系，9月13星期五，点解要分两轮！！！7点9先有得食！！！为何！！！又唔系节假日~~！ 想爆粗啊~~~朋友唔知系米听错电话！！
我地8点先到，但系去到依然好多人，好不容易有张台啦，位置好鬼热啊，好似无空调甘。好吧，忍忍吧。
花旗参炖瘦肉汤，炖得几好，花旗参味唔够突出，但味道还可以啦。
乳鸽，原先以为系烧乳鸽~ 有点儿失望，变左卤水乳鸽~不过食起身味道还不赖啊，几嫩滑下嘅，味道刚刚够。
焖鳝煲，哩煲分量超少啊，好少鳝啊，不过焖得几惹味，朋友们都话唔错。
黄鳝饭，小煲，分量都够4个人食嘅，一人都可以分到两小碗嘅，黄鳝都几多下，饭好香。
蒸西江骨，我觉得哩个鱼整得好正啊~~够晒滑，酱油味道够，好好食啊。好香嘅葱味添。
时蔬，哩个时蔬有虫草花加的菌类，都几好嘅。
菠萝包，黄鳝世家经典包，趁热食好食。有菠萝肉系里面，超正，甜度适中，正。
隔离台原来都系度庆祝生日哦，俾佢地发现左我地都系庆祝生日，有个小朋友仲对住我地大大声唱生日歌，真系全场都听到啊，还真有点尴尬啊~~
