黄鳝世家 (已結業)

由细到大都好中意食黄鳝，虽然有人会觉得距滑潸潸，好古怪，不过其实黄鳝真系好有益架，补血又有营养，女仔应该食多D。呢度嘅黄鳝饭系我最中意嘅，人地话，黄鳝饭系要用黄鳝肉丝来煮先系正宗嘅，一片片果D焗饭反而系外行。呢度嘅就系丝丝入饭，好够味，好香，特别系饭焦，好脆好香，次次都要同人争架，哈哈。仲有冰镇黄鳝都好正，夏天就比较适合食呢个啦，用冰块垫底，上面铺上爽口嘅黄鳝片，好正。不过分量有D少，一人一两片就瓜分晒啦。菠萝包都好好味，基本上系逢去必点，里面真系有菠萝肉粒架，外皮酥脆，内里松软，一次可以食两个啊。