Blu Candy，寿司皇同mori café既细妹。
刚开业，所以门口摆左好多花篮。而且人仲未系好多。客人都系女仔。
微博上有讲系童话式装修，如果系我中意既黑暗童话（比如，睡美人俾王子锡醒之后，嚼左王子之类）就更好喇~~
整间店用左好多珠帘门帘。而墙上可能因为乜嘢都无挂，俾我既感觉就系好寡（宜家已经多左好多装饰品）。
地板晓反光，光线好猛烈。
服务员分两类，蓝色格仔衫负责落单，红色格仔衫负责上菜。
1：水。唔主动上水，叫佢上水之后竟然大冻天时上冻水，无heart。
2：殷勤度。我同我F只系初级食肉兽，唔系怪兽，唔好喺我地食完之后仲继续sell。
3：信息反馈。收集信息唔系话唔好，但问完唔该唔好继续望住我，我唔知继续食好定唔食好。另外，唔好一个问完，另一个又行过来问。唔攞笔记簿记住既反馈，感觉只系走形式。
清一色白色碟。
塑料餐具篮（感觉去左韩食店……）。
菜色走日式下午茶风格，有少量西餐可点（意面类），而且偏贵，部分未能供应（宜家已经普遍降价，而且提供的品种也多左）。
【出品】
美式南瓜汤，19，浓度刚刚好，香浓既南瓜味。
火山卷，39，材料用左（炸）虾、蟹柳同芝士酱。卖相唔错，上台放左一阵之后，仍然好热辣，口感就好似食铁板甘。不过F嫌虾既部分唔够好，可能系炸既时候用左太厚粉。
Blu-Candy卷，69，材料系鹅肝同苹果。唔人道甘点左鹅肝，好彩师傅手势仲OK，无令到呢只填鹅白白牺牲。
白汁焗什菌，34，虽然F觉得腻，但我几中意，因为系菌类控。
熔岩蛋糕（配香草雪糕球），35，用叉切开之后，有热热既朱古力流出来，口感唔错。平时唔多中意配雪糕球类既甜品，但呢个雪糕球真系几滑几OK，上面有杏仁片。
【整体评价】
1. 寿司皇跟mori café的姊妹餐厅，但从菜单看来更像mori café的双胞胎妹妹。
2. 定位。根据店员，Blu Candy走法国风，希望打造成一间“与众不同”的店。在我看来，装修走法国风（？）路线，菜单走日式下午茶路线，店员跟筷子刀叉摆放走茶餐厅路线。正佳 的食肆日益多元化，你想走独特风不是错，但千万不能将“把该放在筷子架上的筷子放在餐具篮定义为走独特风”（店员原话），而应该在服务（店员的选择是一个 严峻问题）跟出品方面（除了小贵之外，我觉得还是满意的）放多些心思。
