好耐冇去过深圳，今次个目的系为咗配眼镜，顺便揾啲好食嘅嘢。今次第一次去深圳打边炉，我哋去响皇庭广场嘅《就犟》(粤音：强)，主打食牛嘅火锅，最正系佢个《就犟大团圆》，一个大圈入面有唔同部位嘅牛肉，有柔韧细嫩嘅吊龙、爽滑嘅嫩肉、肥而不腻嘅肥牛、鲜香美味嘅匙仁(肩胛)、匙柄(肩腹肉)、脆口嘅牛舌同嚼劲十足嘅胸口油(牛胸爽)，非常震撼，啲牛肉全部现场即切，非常新鲜。我哋叫左个【饕餮牛肉大团圆】4人餐，个餐包括清旨定汤底《大牛骨清补汤锅》、《就犟大团圆》、肉汁超多同弹牙嘅《就犟菌菇王牛肉丸》、牛筋腩一碟，加上食品吧度嘅配菜、粉面、生果任食，仲有任饮嘅酸梅汤同橙汁任饮，真系可以食到饱。最后我哋另外再点一碟吊龙同鬼毛肚，最后埋单600几蚊，绝对抵食。…查看更多
