影片
以上资料只供参考，请与餐厅确认详情
招牌菜
今次试另一间嘅火锅，上次响皇庭广场经过见到潮发漑门面都好光鲜，而且牛肉嘅香味由店内飘出嚟，就决定咗今次嚟一定要食潮发。我哋拣海岸城呢间系因为tea要食蟹粉，同埋呢度个商场都大，顺便去shopping 。我哋去到餐厅都差不多7点半，加上星期六劲多人，我哋等咗差不多半个几钟(我睇番一啲记录差唔多80分钟)先有位，真系好夸张。莫讲话我哋呢班香港人，眼见都唔少本地人帮衬，可想而知呢间火锅系几咁抵食。响等位期间，就上社交平台睇下有咩优惠，我地5条友，买左佢「鲜牛丸4人套餐嘅券，人仔¥262，当日港币$289.55，佢个餐包括牛骨清汤锅底、吊龙肉、三花趾、肥牛肉、匙仁肉、鲜牛丸、牛腩、水果玉米、贝贝小南瓜、时蔬、生粿条，饮品方面就有酸奶，如果唔饮酸奶，可以要求转可乐，真系非常贴心。除咗四人餐，因为啲牛太太太正，我地追加上面嘅牛肉外，再点佢嘅鲜和牛。的而且确，叫做和牛真系零舍唔同，果种牛香真系非一般，吊龙已经系非常正，鲜和牛简直系神级，牛中之霸。另外我地响社交平台买咗4杯鸭屎香柠檬茶，只系¥24，系¥24人仔4杯，仲要味道唔错，唔会太甜同太酸，坚正。呢一餐又系超级满足，平时唔系食太多嘢嘅我都食咗劲多，坚系性价比极高，我地叫餐、另加单，再叫嘢饮，埋单只系600几港银，5条友食真系劲夸张。
继续阅读