周未同屋企人北上吃喝玩樂～嚟到有好多裝置藝術可以影相嘅中洲灣，行完街，打完卡，當然搵嘢食啦😋屋企人鍾意食辣，見到呢一間中式餐廳好出名，即刻入咗嚟試吓😍即刻叫咗個惠聚四人餐😋
🍽️ 滋味豆腐、椒麻豉油雞
呢個套餐，先嚟前菜，滋味豆腐涼浸浸好易入口，外脆內軟真係夠晒滋味，椒麻豉油雞少少辣夠晒刺激，加埋少少甜味嘅豉油雞真夠晒入味😋開胃！
🍽️ 有機蕃茄燴牛坑腩、豆花水煮魚
主菜係有機蕃茄炆牛坑腩同埋水煮魚🐟兩個都紅卜卜，賣相好靚，蕃茄同埋牛腩都炆到夠晒腍🍅而且味道濃郁，水煮魚個樣好似好辣，點知魚肉鮮嫩，少少辣調味好刺激Yummmmyyy😋
🍽️ 雲南小菇炒幼瓜 、時令蔬菜
仲有呢個夠晒特色嘅小菇炒幼瓜🥒細細粒好得意，我都係第一次食，夠晒解油膩😋今日嘅蔬菜係蒜蓉炒空心菜🥬蒜蓉爆香，空心菜新鮮兩個夾埋真係Perfect🤗
🍽️ 清波擔擔面、百香果益力多
食咗咁多嘢，當然要食少少米飯同埋先夠飽肚😋 清波擔擔面夠晒特別，青綠色嘅涼麵🍜有少少肉碎，加埋蕃茄牛腩汁真係好滋味🥰呢個套餐仲可以揀嘢飲添我哋當然叫咗好健康滋味味嘅百香果益力多🍹啱晒食完辣嘢飲酸酸甜甜即刻胃口大開！
🍧 玫瑰水晶冰粉 + 堅果玫瑰酸奶
最後仲有糖水相添，我哋就叫咗冰粉同埋酸奶，啱晒食完辣嘢可以解辣😋
