红荔村肠粉 (中心书城店)

去一處地方，總喜歡感受當地人的日常，到深圳，路過呢間紅荔村腸粉店，見店內有很多街坊享用，便入店感受一下當地人平時的早餐。
一碗粥10幾蚊人仔，一隻蛋$3人仔……好抵食。
望望四周的食客，發現烚蛋、粥、腸粉、油條等都似是必點項目。
我點了一碗皮蛋瘦肉粥、一份油條、一隻鹹蛋、一隻白烚雞蛋、一份烚西蘭花（$7人仔）、一個菜包（兩蚊人仔加購的）和一碟鮮蝦腸粉。
鮮蝦腸粉有七隻蝦，碟內有一條鮮蝦腸粉和一條雞蛋腸粉，大大條，腸粉皮軟軟的但較為厚身，配上店的醬油同食，不是滑嘟嘟，但味道不錯，其他食品，如粥、油條、西蘭花等都正正常常，2人食，埋單共約50人仔，呢個價錢食到咁多樣嘢，事後又無肚痛，好開心。