椿庐ChunLounge (中航城君尚)

週末同屋企人去咗呢度慶祝生日。餐廳走東方美學裝修風格，裝飾簡約而不失格調，屋企人都大讚環境又靚又舒服。

一去到，店員已經佈置咗生日主題嘅包間，佈置得好靚，打卡一流！我哋揀四人餐，團購價$698，人均只係$170左右，好抵食！

餐廳主打川味融合菜，我哋叫咗少辣，辣度啱啱好。四人套餐非常豐富，當中嘅有機番茄煨牛腩炆得好腍，番茄嘅酸甜味完全滲入肉裡面；豆花水煮魚，魚肉新鮮，配料都好豐富；仲有碗清波擔擔面，喺香港好少食到，好有特色～

最後上嘅手作紅糖糍粑，外脆內糯，蘸埋紅糖漿，好好味。成個聚餐過程好開心，服務都好周到，好適合家庭聚餐！