椿庐ChunLounge (中航城君尚)

週末同屋企人又去咗位於深圳嘅「椿庐」食飯，上次食過覺得好高質再encore！呢間餐廳附近主打川味融合菜，將傳統川菜技法同味道融合各地飲食特色，創新獨特嘅菜式。

餐廳行東方美學裝修風格，環境舒適，簡約帶高級感，而且店員服務周到，好適合同屋企人、朋友聚餐。

我哋揀四人餐，團購價$698，人均只係$170左右，好抵食！四人套餐非常豐富，有好特別嘅雞翅鳳尾蝦，雞翼裡面包住隻蝦！有機番茄煨牛腩炆得好腍，配飯一流！豆花水煮魚，魚肉好滑，辣味啱啱好。仲有手作紅糖糍粑，外脆內糯，好好味。

呢間餐廳真係好高質，好適合家庭/朋友聚餐！