魚香茄子的个人专页

特登黎廣州玩2日, 想食D好野, 第一站本來係陶陶居飲茶, 但實在太餓, 所以一出地鐵就係寶華整碗鮮蝦雲吞醫肚。湯底OK, 雲吞皮唔算特別簿、滑, 陸得太熟了, 蝦肉鞋十十, 豬肉唔新鮮, 又係鞋十十, 食一粒就已經想放棄, 不過廢事嘥野, 結果都食晒佢, 16蚊一碗又唔係好食, 都幾貴, 唔洗再來了:(......…查看更多

特意黎廣州作一個2日美食之旅, 奈況何失望而回......廣交會威斯汀新開張特價, 所以揀呢家遠離旅客區的新落成5星酒店, 希望換來5星的質素。酒店附500元消費卷, 可在酒店內任何餐廳用餐, 當日四圍行已好累, 就留在酒店食晚飯, 誰知, 日本餐廳竟然還未開, 已經少了一個選擇!!! 只好安慰自己," , 係廣州吃中菜、而且5星酒店餐廳應該很穩陣OK的.....", 就去了中国元素中餐厅, 誰知價錢與質素完全不成正比!!! 當晚點左:1) 燒味乳豬-- 一碟叫價68蚊的乳豬, 只有5塊!, 無打錯字, 是五塊!!!2) 清煮蘆筍-- 全晚最OK的一碟3) 潮式鹵水鵝片-- 先不說份量(當然都係細細碟), 鹵水完全不入味, 而且鵝肉很"鞋" (68蚊)4) 鵝肝和牛炒飯 (78蚊)-- 飯炒得乾身, 但完全沒有鵝肝的香味, 也沒有和牛的牛油味(其實連普通牛味都沒有), 亦懷疑師父唔記得落鹽炒, 我覺得自己食緊炒白飯....5) 鍋峰豆腐(36蚊)-- 豆腐像台式冰豆腐, 上面再放D肉碎, 只有4小塊,一放入口, 上面的肉碎入味、咸, 但下面的豆腐完全冇味 (冇豆味亦冇咸味, 即完全冇味)....係咪用高湯煮一煮個豆腐, 好過用白水浸呢?6) 水 (24蚊)-- 唔飲茶只飲滾水都收每位12蚊茶錢, 我明白茶錢係要收, 但原來叫杯野飲, 就唔洗收茶錢, 點解服務只唔提醒客人??!此間威斯汀中菜廳, 菜牌內款式很多, 又鮑蔘翅肚, 又潮州, 又有少少FUSION的新派中菜, 我檯同隔離檯, 睇菜牌都睇左好耐... 與其吃力不討好, 不如簡簡單單做好自己的廣東菜算吧!…查看更多