伦家小女孩的个人专页

听朋友介绍话呢度只招牌壹心鸡唔错，今日慕名而来。呢度地方有啲难搵，系条巷仔入面，环境好一般，大排档feel。不过人气真系好旺，去到果时基本上都系满座。试左下只壹心鸡，果然系唔错，肉质好嫩滑，仲有个皮好爽口，唔会太多脂肪。蜜汁大肠，好爽口，蜜汁嘅味道盖过左大肠本身嘅骚味。红枣骨，有淡淡嘅红枣味道，排骨都几多肉，口感唔错。…查看更多

好耐无嚟过周记度饮茶啦，以前屋企附近有间经常去饮，不过依家无做之后，其他分店嚟得比较远，就无去饮啦。呢度环境一般般啦，好多老人家嚟饮茶，有点嘈杂，而且人好多，等左一阵先有位。同埋依度服务员唔多，上菜好慢，叫左几次先肯过嚟倒水。虾饺，个皮无以前咁薄，味道还可以。牛肉丸，好香芫茜嘅味道，肉质都几滑。其他凤爪同糯米鸡都系一般般。…查看更多

因为系亲戚屋企附近，所以有时食饭都会选择呢度。与黄鳝世家同属一个机构，出品唔错是一间典型嘅粤菜馆。最中意就系食呢度嘅菠萝包，新鲜出炉，热辣辣果时食就最好，里面仲有菠萝陷。冰镇鳝片，味道一般般，不过口感都唔错，好爽脆。话梅猪手，酸酸甜甜都几开胃。总体嚟讲都ok，之后都会继续帮衬。…查看更多

公司搬左过嚟依度之后，去过三次，觉得比较啱胃口嘅西餐厅之一。放左工之后，基本上同同事都系嚟依度消遣。日式芥辣布法罗烤鸡亦，酱汁味道好正，肉质无比嫩滑。炸手指鸡柳，外边炸到好酥脆，再点啲酱汁，味道都几好。到左晚上，人的确有点多，大多数都系外国人。环境有点嘈杂。如果净系朋友聚会随便吃喝聊天，都系个唔错嘅选择。…查看更多

同朋友逛完万达广场就嚟依度食饭，呢度环境都唔错，但系价钱就贵左啲，三个人就食左两百几蚊。服务员态度麻麻哋，叫左几次先黎倒水，而且上菜好慢。文昌鸡，无咩鸡味，不过肉质都几嫩滑。芒果薄餐，呢个菜几特别，自己本身好中意食芒果，加上外皮脆脆哋同埋烟烟韧韧，口感唔错。椰子饭，卖相就唔错啦，不过味道就麻麻。…查看更多

老字号食店，细细个开始就食到依家，咁多年嚟味道都无点变，唯一变左嘅就系价钱，越来越贵了。同埋开左好多间分店，环境算唔上咩高档，主要靠出品吸引人客。中意呢度嘅牛肉肠，肠粉够滑，牛肉份量都几多下，肉质嫩滑，仲有啲酱油味道唔错，唔会太咸。再加碗艇仔粥，好足料，粥底好绵。…查看更多

嚟过几次，出品的确系唔错。高峰时期需要等位，环境唔错，地方比较阔落，有好多卡座，坐得比较舒服。服务员态度都好nice，不过上菜就慢左啲。依家仲有团购，相当于79折，都几抵下。每次嚟都有点西多士，外表炸到好金黄，里面夹住啲花生酱，味道唔错，唔会太漏。奶茶味道都几好，不过冰多左啲，饮到最后味道变得好淡。…查看更多

好中意嚟依度食饭，奈何交通唔系好方便。而且呢度人气好旺，要提早订位，唔系就系等位。环境比较农家风味，夏天果时无空调，好鬼热。但系胜在够平靓正，五个人都唔洗两百蚊。每次嚟依度都会点荔枝柴烧鸡，味道唔错，肉质嫩滑多汁，而且价钱平，基本上每台都点一只。鲍汁山水豆腐，豆腐够滑，但系味道有啲偏咸。…查看更多

呢度交通都几方便，而且系朋友屋企附近，又位于市中心，生意一直唔错，每次经过都见到好多人系度等位。呢度出品都唔错，水平较为稳定。通常有咩聚会都会嚟依度，环境唔错，价钱尚算可以。香茅牛油炒蝦，啲虾都几大只，味道好香，好入味，口感爽口弹牙。椰汁糕，味道稍微有啲甜，食多有点腻腻的感觉。咖喱蟹同巴东牛肉都唔错。…查看更多

行完中华广场，见有啲肚饿就同一齐嚟依度试下。呢度环境都算ok，服务态度都几热情好客。平时比较少食韩国菜，唔知道呢间啲韩国菜正唔正宗。炒年糕，味道都几好嘅，年糕嘅份量唔系好多，配菜比较多咯。炸鱿鱼圈，唔洗点酱汁，就咁食都唔错，外皮炸得好酥脆，粉唔会太厚，鱿鱼好爽口，一啲都唔韧。泡菜炒饭，辣辣哋都几开胃，米饭比较软，唔洗好中意呢种口感。…查看更多

之前朋友系依度摆酒，觉得出品都唔错，今次就嚟依度饮早茶。交通都几方便，有停车位，去到唔洗等位。环境相当好，有好多盏水晶灯，显得好高贵。而且地方都几大，坐得比较舒服。但系呢度价钱都唔平，四个人就食左三百几，差唔多人均消费要一百。不过服务态度都几好嘅，出品尚算可以。试左个虾饺，皮薄馅靓，味道都唔错。仲有牛肉肠，蛋挞同小笼包都唔错。…查看更多

哈哈，今晚又有老细请食饭，总觉得唔洗自己俾钱嘅都好食。老细系潮汕人，好中意嚟依间食潮州菜。而且呢度环境好好，装修好豪华，坐得都几舒服。价钱都唔系好平，不过出品都几好嘅。服务态度中规中矩啦，上菜比较慢，但叫服务员嚟倒水都几快手。卤水鹅肠，味道唔错，鹅肠都几肥美，好爽口。香煎蚝仔烙，好出名嘅潮州菜，煎得好香脆，食到蚝仔嘅鲜味。…查看更多

嚟得天河依边价钱都唔会低得去边，但系出品都几好。因为离公司好近，所以经常落班都会嚟依度聚会。都几多人嚟依度食饭，要早少少去，唔系迟左就要等位。点左几个菜，烧鹅，皮唔够脆，味道都几好，而且肉质结实，但系今次呢只肥糕比较多。鲜菇扒菜胆，味道有啲咸，个菜唔够淋。腰果炒肉丁，卖相都几好，色彩丰富，口感爽脆。…查看更多

细细个就系西关长大，既然佢叫西关人家，点可以唔嚟依度试下呢~呢度装修都几古色古香，好有以前西关嘅风味，连枱枱櫈櫈都比较旧，坐得唔系好舒服。呢度人气都几旺，服务态度变得一般般，倒水上菜都比较慢。干蒸，味道中可以，不过肥猪肉比较多，口感一般。咸煎饼，几香芝麻同南乳嘅味道，口感唔会太油腻，价钱都唔会好贵，性价比都几高。…查看更多

环境一般般吧..装修比较简约..有很多杂志给客人看..咖喱虾球..咖喱味道一般般..虾球挺爽口的..香煎龙利柳..味道还可以..龙俐鱼肉质很嫩滑..没有骨..比较喜欢..古法炒牛河..河粉软滑而柔韧..牛肉鲜嫩少筋..味道有点淡..油比较多..XO酱鳗鱼蟹子叉烧炒饭..饭炒得不是很干身..不够分明..配料挺多的..味道还可以…查看更多