早前聽朋友仔講話海x撈好正，服務又好。趁住今日同大佬北上按摩，就去搵食。我地去咗國貿站友誼城入面，同層又有另一間火鍋店打對台，叫品樂滙。呢間係任飲任食架，晚市有2個價錢，1個78元人仔，另1個就108元人仔，至於海X撈就散叫既。2間火鍋店都未幫襯過，經過商議後，我地就揀左品樂滙既108元火鍋。我地被員工引領到所屬既火鍋區（高級火鍋區），湯底都多選擇，係一人一爐。野食係自助形式，至於兩者分別係：多左即開生蠔，活蝦，牛黃喉，大刀毛肚，竹笙，羔羊太陽卷，谷飼牛肉等等。。。。。。不過其實78元人仔都好多野食，而且新鮮且鮮味，仲有汽水啤酒雪糕水果前菜任食。呢個價真係無得輸。
…查看更多
…查看更多
