欣欣是个小盆友的个人专页

鱿鱼丝算系可遇不可求噶，要晚黑先有得食噶。就系八爪鱼天桥下面，会有个阿伯系部单车上面用炭炉烤，味道会好香噶，对路人系一种诱惑啊~鱿鱼丝10蚊一排，现烤噶，比包装噶鱿鱼丝会好食好多，不过分量就比较少啦，自己就可以食晒一排啦。鱿鱼仔有分大细噶，我就要咗大噶，10蚊3只。烤成只噶鱿鱼比较硬，冇鱿鱼丝咁好食，不过分量就大D，都可以一试噶。…查看更多

装修得比较怀旧，又比较小资，甜品唔错，不过价钱都好贵下噶。试过最好食噶就系芒果肠粉噶，一份有三条噶。肠粉好滑噶，少少甜，上面淋咗好多噶芒果酱，入面就包住好多噶芒果肉同奶油，芒果就比较甜噶，稍微有少少腻，不过芒果够多汁，多多都想食啊。榴莲飘香都唔错，特别系中意榴莲噶人就一定会中意噶。榴莲肉好多，加上少少西柚肉，同椰汁捞埋，榴莲噶味道劲好~…查看更多

比较小清新噶店，好适合来饮下午茶同倾计拍拖之类噶，不过都有饭食噶。饮料点咗抹茶拿铁，抹茶噶味道好浓噶，上面噶奶油都好多噶，不过我就冇搅匀饮啦，分开应该会好D噶。蛋包饭都唔错，包得好靓噶，上面仲淋咗好多噶汁酱，仲配有肠仔、西兰花同肉片，不过分量就唔大啦，女仔都系岩岩够食。蜂蜜土司，就系得个样好睇，蜂蜜好似得好少，面包唔够香口唔够脆，中间噶奶油同雪糕就几好食噶，香蕉味噶雪糕，都几中意。…查看更多

都系买团购去食比较抵，78蚊有4个菜啦，正价就稍微贵D。云南菜就系第一次食噶，系烤鱼同青柠木瓜鱼之间考虑咗N耐之后都系要咗青柠木瓜鱼，因为烤鱼要等得耐D~上台同普通噶水煮鱼差唔多个样，就系汤底有D酸，饮咗几啖觉得都OK噶。鱼肉唔系好多，不过就冇咩骨，因为系鲈鱼来噶。下面仲有好多噶青瓜同莴笋之类噶，所以就显得好大盆啦。鬼鸡，就系乌鸡啦。落咗好多香料噶，稍微有D酸辣，都几好味。最好食噶系脆皮豆腐啦，入面好嫩好嫩，不过皮就系好脆噶，够特别，第一次食~…查看更多

买咗团购去噶，39蚊一位，一份牛排加自助，比较抵食。牛排我地要噶系特制牛排，黑椒汁番茄汁各一份，明显就黑椒汁好食D啦，牛排噶肉就麻麻啦，稍微老咗D，不过分量都OK噶，一份牛排入面仲有一只煎蛋同少少意粉，都够饱噶啦。自助有D似涮涮锅噶自助咁样，食物系团购页面上面系好多噶，不过实际就系少好多噶。不过D雪糕就好好食啦，特别系香草味噶雪糕同麦当劳之类噶差唔多，食咗3个~…查看更多

间店系中华广场上面，个面就好似粤菜馆啦，不过其实系食韩国菜噶，同个名唔系好衬咯。中午来到，都唔系好多人噶，so服务态度就认真好啦，有南瓜粥同好几样小菜送噶，泡菜同蔬菜沙拉都唔错，仲可以免费加噶。点咗两样烤肉，仲有炒年糕。烤肉就同汉拿山之类噶差唔多啦，不过服务员都好快手帮烤噶，我就最中意烤五花肉啦，肥D会好食D噶。不过年糕就一般般啦，唔够辣，但分量就颇大啦。…查看更多

呢间店噶云吞面做得几好噶，汤底好鲜，饮完唔会觉得有落得好多噶味精噶，汤上面仲会有D韭黄。面就比较弹牙噶，冇咩碱水噶味道，不过分量就唔大啦。云吞都系比较大粒噶，鲜肉馅都唔错。耗油捞面同虾子捞面都唔错，特别系耗油啊，同一般买成樽噶耗油味道比会鲜好多噶，应该系有自制噶成分噶，不过同样系分量唔大咯。…查看更多

快餐店一间，同一般噶茶餐厅一样噶，可以点菜都可以有碟头饭，而且饭量系比较大噶，所以都好多附近学校噶学生同上班族过来食中午饭。食过肉片杂菇饭，肉片比蘑菇要多好多，而且都好多汁噶，饭量大到自己系食唔晒......姜葱白切鸡饭，鸡肉几稍微老咗D啦，不过胜在够多姜葱，都好够味噶。…查看更多

大塘烧鹅系连锁噶烧腊快餐店，有同烧腊有关噶饭同面类卖，都经常帮衬噶。一般商业旺地同写字楼集中地附近都有，价钱都OK噶，而且铺面都比较干净整洁噶。烧鹅系做得最好噶啦，皮够脆，而且咬落去都会有少少噶肉汁噶。烧鹅腿会好食好多噶，而且烧鹅腿会好大只噶。仲有烧鸭都唔错，肉会比烧鹅嫩好多噶，但肉就少D，不过价钱都会平好多。…查看更多

许留山系经常食噶啦，不过都系团购噶，因为团购就比较平啦。中怡呢边会比较少人嘎，团购都会好好服务态度。试过买现金券食木瓜雪蛤，雪蛤就唔系好多啫，正价食唔抵噶，不过木瓜就好甜啦，自己可以食晒大半只噶木瓜。一般就最中意杯装噶饮料啦，芒果爽同雪蛤爽都好好食，就算系冬天都唔会觉得好冻噶，而且唔会好甜，芒果稍微有D酸噶。红白小丸子就试过一次，小丸子好软糯噶，好中意入面噶红豆。…查看更多

大哥餐厅都系慕名而去噶，虽然系远D，不过D食物就真系冇失望！！！点咗好出名噶干炒牛河，菜单上面都注明咗系黑色噶啦。果然一上台，好黑！好似老抽咁样噶颜色，牛肉都好多噶。25蚊，都算几大碟啦，呢个系我食过最好食噶干炒牛河啦，虽然卖相唔系咁好，但一D都唔会觉得油腻，好掂！冻奶茶，用冰盘装住上台，茶味比较浓，少咗D奶味。西多士，一碟系分开九小块噶，都系好有特色。唯一唔好噶就系实在有D远，如果系市区有分店就最好啦。…查看更多

拉肠就食得多啦，不过呢种窝篮肠粉就系第一次食噶，间店都好普通噶门口，好偶然之间发现竟然都有呢种肠粉系广州！我点噶系猪肉肠粉，可以睇到厨房阿姨系直接用窝篮来蒸噶，好特别。蒸出来噶肠粉，同普通噶拉肠相比稍微薄少少，好透明噶，有D似陈村粉，不过口感上面同一般噶拉肠都系差唔多噶，但系特色就系用窝篮蒸噶，值得一试！…查看更多

第一次食生煎包，排咗差唔多半个钟头噶队啊。因为已经买咗团购先去噶，冇计，唔系我就唔想排队噶啦。店面好细间噶，店面只系得一个收银噶坐系度，基本上系冇服务噶。大多数人都系带走。团购系8只生煎，分成两盒。都系即做噶，可以睇见少少煎包噶过程。包噶一面煎得好焦好香，而且系脆噶，另一边就系好似一般噶小笼包咁样。一啖咬落去会有好多汁噶，超级热，要好小心先至得。入面噶肉都几大块，而且好鲜。但系就比较漏啦，自己食咗两三只就觉得够喉啦。…查看更多

好受学生欢迎噶平价寿司店，一般都系带走噶啦，因为店面得几张好细噶高脚台凳。好几种小卷都系1蚊两件噶，好平，蟹棒小卷同青瓜小卷都好好食噶。玉米沙拉寿司、海草寿司，都系两蚊一件，不过D饭就稍微松散少少啦。八爪鱼寿司都几好，上面噶八爪鱼有好多噶，性价比够高。其他噶好似三文鱼、甜虾之类噶就一般啦，唔系好新鲜。买平价噶寿司，10蚊就可以有一盒满满噶啦。…查看更多

岩开张噶时候去食噶，当时系点菜就可以送扇贝或者鲍鱼。位置都好好，就系大马路旁边，BRT学院同上社站之间噶。从个名就知系做家常菜噶啦，点咗烧鹅、酿辣椒同炒通菜，送噶菜我地要咗蒸扇贝。D服务员都几快手下噶，虽然系好多客人。烧鹅一例，算系比较瘦噶，不过皮都好脆下，都仲有少少肉汁啦。酿辣椒，辣椒其实都系青椒来噶，都唔辣，煎得够香。炒通菜，腐乳炒噶，加咗少少辣椒圈，家常噶味道。埋单价钱都好家常，值得经常来食。…查看更多