胡颖华的個人專頁

皇冠系我返学放学噶必经之路上面，所以早餐同下午茶都帮衬过好多次噶。特别系早餐时间，排队噶人会有好多。彩虹卷，手掌咁大噶松软噶蛋糕卷，入面有好几种果酱混埋噶。手撕面包，7蚊，好大件，可以同朋友分享。新鲜出炉噶老婆饼同蛋挞，一般就一次过买半打，会用盒子装噶。偶尔还有年糕同粽子卖，还有切件蛋糕，比隔离噶饼铺要平，都好好食。…查看更多

吉之岛系我最中意噶超市啦，而家改名叫做永旺，个人觉得都系吉之岛好听易记D。吉之岛入面都有好多熟食卖，又够平，而且晚黑7点半之后就开始打折啦，经常都去买噶，7点半之后噶食物大多数都系热辣辣噶，一D都唔会觉得系过时噶。紫菜卷，打折一般系5蚊2件啦，正价系差唔多6蚊一件噶。啖啖都系肉，入面仲有少少粟米粒噶，好好味。仲试过买到7蚊半只南乳烧鸭，稍微有D辣，但分量认真大啦~可惜肥美噶三文鱼都唔打折噶~…查看更多

呢间噶牛肉丸都好好卖噶，净牛肉丸就5蚊10粒，经常都加1蚊生菜或者紫菜噶。牛肉丸好弹牙噶，汤底系成煲噶牛骨汤，不过可能落得味精比较多啊，虽然系好饮，但饮完会口干咯。食牛肉丸噶时候中意加D沙茶酱同葱花。仲有牛肉丸果条都唔错噶，分量够大，果条比河粉要软身D滑D噶。果条要煮一阵，多人噶时候会等几耐下噶。…查看更多

沙县小吃系经常帮衬噶啦，因为够平分量又够晒大噶~拌面同云吞都好好味，拌面会落好香噶芝麻酱同花生酱，捞埋会令人食指大动啊~云吞就唔够广州传统噶面店云吞咁大，不过胜在数量多啊，一碗起码十几只，汤底好似牛腩汁咁样，好浓好香噶。仲有蒸饺，蘸芝麻酱来食，一笼加一碗云吞就好满足啦。…查看更多

食过咁多间噶麻辣香锅，呢间算系食过最贵噶啦。当然装修环境都好好，比较似港式茶餐厅咁样。中午食饭时间，附近噶店都系比较满人嘎啦，呢间店得几台人......要收茶位费噶，饮料仲要另外加6蚊一位畅饮，锅底18蚊......不过好在服务都几好，个waiter超级热情啊！！！点咗鱿鱼、黄喉同几样蔬菜，已经成百啦......价钱就是在太贵啦，不过菜都可以系自己去选然后称重噶。麻辣香锅噶味道同其他平价噶店冇咩分别咯...唔值得噶~试过一次就够啦…查看更多

呢间店有团购噶现金券噶，比原价会抵食好多，都来食过好几次啦。最好食噶就系虾饺皇啦，比好多茶楼都做得好噶。一笼有4只噶，虾饺皮薄馅靓，虾饺皮差唔多系透明噶，入面噶虾都好大只好弹牙。凤爪就大家都中意噶啦，都好大只，有D黑椒味噶。猪仔包，外形够可爱啊，入面系芋头馅料噶。牛肉丸都唔错，够大粒，比较弹牙噶。…查看更多

呢间肠粉店应该系广州人都知噶啦，肠粉店就好细间噶，不过日日都咁多人帮衬。食得比较多噶就系牛肉肠粉啦。呢间店除咗有自制噶豉油，仲有自制噶豆瓣酱，比较有特色噶，有少少噶辣味。肠粉皮比其他噶肠粉店要厚好多，比较软身噶，牛肉肠粉5蚊半一碟，分量比银记噶要大少少啦。粥都唔错，粥底比较绵滑噶。皮蛋瘦肉粥5蚊半一碗，肉片好嫩噶，皮蛋就稍微少D。…查看更多

路过一次，见好多人来食噶，店入面坐满晒人，连门口都摆晒台噶。店装修系好怀旧噶，同茶楼差唔多噶，食物噶种类同华辉之类噶差唔多，除咗肠粉、粥、面之类噶，连饭、汤水、炖汤都有。点咗鲜虾肠，肠粉皮系好薄噶，有少少米香味。D虾都好大只，比较新鲜，不过豉油就比较淡啦~仲点咗云吞面，不过云吞就一般般啦，面噶碱水味重咗D，都系肠粉好食。…查看更多

呢间店经常都有团购噶，做鱼类噶食物做得又好又有特色。鱼包同鱼面系最出名噶啦。鱼包上台同一般噶云吞差唔多，不过汤底就系鱼汤来噶，奶白色，好甜口噶，但又唔腥喔，会比较淡噶。鱼包系用鲮鱼肉做馅噶，同猪肉馅噶唔同，会比较弹牙同鲜美噶。鱼面就更有特色啦，样好似一般噶面，不过食落去就系鱼肉来噶，比较烟韧D。最好就配炸鱼皮来食噶，会香好多噶。…查看更多

呢间店系红砖厂入面，显得比较小资D，不过D菜分量就比较似大排档咁样，够大哈~而且店面比较大，服务都好唔错。部长就推荐咗隆江猪脚，话系卖得最好噶。上台果然系好大份，猪脚皮好油亮，仲配有少少肉卷噶。猪脚皮就最好食啦，食多多都唔腻~猪脚肉咬落去都几多汁噶，唔会觉得干。炸牛奶，炸得都几好，不过分量同猪脚相比就稍微少咗D。外表好脆，入面就好嫩滑，甜甜地，牛奶味好浓。蚝仔烙，蚝仔都好多，煎得好香，脆脆地好好味噶。…查看更多

买咗团购噶59蚊芝心堂蛋糕，芝心堂算系我比较中意噶蛋糕店之一啦，因为经常有团购，价钱都几抵下。不过今次噶蛋糕就要提前两日预约，有D麻烦噶。我要噶系夏日抹茶芝士慕斯蛋糕，6寸噶，芝士味就比较少啦，但抹茶就好香啦，比芒果味噶冇咁甜，更加健康！蛋糕都好软好滑噶，不过就上面噶水果少咗D，得少少噶奇异果同黄桃，如果可以加D芒果就好啦。不过比较麻烦噶系，团购噶蛋糕冇配刀叉......…查看更多

简单噶饮品店，价钱都唔贵。店好细间，如果唔系咁岩路过，我冧我都唔会搵得到噶。入面只系得几张好细噶台仔，稍微简陋少少啦。去到用手机上网睇见有团购，仲平，咁就一于买团购啦。团购噶9.8元，一杯饮料加一份小食，价钱都好平。饮料我要噶系粒粒芦荟绿茶，小食系米菲小饼。饮料就一般啦，芦荟粒都几多，有D似果冻咁样。绿茶都几甜噶。最得意噶系米菲小饼啦，系米菲样子噶曲奇饼干，好可爱，女仔一定会中意噶！仲有D意粉之类噶食物，下次先试。…查看更多

买咗团购去食噶，四人餐，不过我地就系两个人食噶，分量都系岩岩好，可能系因为我地大食啦。三文鱼刺身，同好多寿司店都系一盘上来噶，不过团购噶就切得几薄噶，好在都仲算肥美啊。煎三文鱼骨，一般啦，唔系好咸，盐多D会好食D。三文鱼蟹子炒饭，三文鱼好少，不过蟹子都比较多噶，炒得都好香。三文鱼沙拉，呢个噶三文鱼比刺身噶要厚身好多，几好。…查看更多

吉野家都系我中意噶快餐店之一啦，牛肉饭做得最好啦，牛肉又大块又多汁，连入面噶配菜洋葱都好正，因为系好多肉汁，食起身都特别爽噶。双拼饭我觉得最好食噶系同蘑菇双拼啦，鸡扒噶做得一般般啦。蘑菇都系好多汁噶，我就最中意多汁噶食物啦。不过中间噶蔬菜就冇咩味，有D减分咯。套餐入面配噶酸黄瓜都唔错，少少酸，都几开胃下噶。…查看更多

万岁寿司就经常食啦，特别系有团购噶时候，76蚊就有100蚊现金券，比用会员卡仲要抵！今次去食，试咗下个虎虾刺身，26蚊一份噶。上台都好快，虎虾比甜虾之类噶要大只好多，稍微干身D，不过食起身都系好肥美噶，有虾油。当刺身食应该比寿司要好少少。仲点咗个海鲜饭，有虾、扇贝同蟹棒、鱿鱼，睇落去好细，但其实分量都几大下噶，而且好热，唔小心仲烫亲自己啊。有饭焦噶，够香。…查看更多