Regina:]的个人专页

之前食過一次覺得幾唔錯，咁岩去嗰個商場又有分店，所以就決定再食多次！上次叫左套餐 今次就單點食下啲之前無食過既野🐟首先最重要既就梗係魚。店員會將原條魚放入石鍋，再放少少調料去腥，最後落清湯，用高溫蒸氣，煮4分半鐘就食得煮完出嚟條魚好滑好嫩，湯就有好鮮既魚味。今次揀左清湯，如果怕腥既可以揀菇菌湯，一樣咁鮮，魚味濃😋😋另外都叫左啲火鍋料，值得一提既係：🍄‍🟫綉球菇 平時喺香港好少行街市，喺街都好似無乜食過呢樣野。所以去親大陸見到都一定會點。佢食落好似厚少少既雪耳，爽爽地脆脆地。打邊爐既地方會見到佢。◽️豆腐拼盤中間扭麻花嗰舊又係我人生第一次食到既野。佢叫「云南香豆腐」🤯食落口unun地，好似一舊年糕咁。上網睇下原來佢係一舊加左木薯粉既豆腐。云南菜先會有。兩次光顧加埋食左好多唔同款既野，全部都幾出色，無任何伏位。不過下次我會選擇番套餐，平好多抵好多架😂…查看更多

都係深圳先至有嘅餐廳 疫情前已經開始食佢 近年開始愈來愈多分店雖然佢個名係「肉蟹煲」，但係我去親都係叫呢個雞爪煲基本上佢呢度所有煲都係同一個味道，只係入邊嘅材料唔一樣。除咗我經常點嘅雞腳煲之外，另外仲有蟹煲，蝦煲，牛蛙煲等等其他唔同材料組成嘅煲雞爪煲入邊除咗有雞爪之外，仲有年糕，薯仔同埋萵筍。另外我每次都會加埋面條。🥘啲薯仔同雞腳已經炆到非常之腍，可以話係入口即溶。而且醬汁非常之濃味好適合我呢啲鍾意重口味嘅人。有試過其他食同類型菜式嘅餐廳，但始終都係覺得呢一間比較適合自己口味😋😋…查看更多

每個月都會北上一兩次的me 最鐘意就係食朱光玉老火鍋雖然次次去叫既野都差唔多，但一年之內我都竟然去左十次差不多兩個月無嚟 發現同之前好似有少少唔同左🍲湯底方面 我多數都叫四拼鍋 有辣有唔辣 仲可以叫兩格蕃茄，一格淥肉一格落菜無咁油。有次仲試過一個人去cheap到一格蕃茄三格清水😂😂不過而家佢改左，無得重覆叫兩格一樣既湯底。不過其實都好平，圖入面咁樣4格先係around$30🥩肉嚟講 我比較少喺呢啲火鍋店狂食牛肉，我反而叫豬比較多。我覺得呢度最出色既係「蟬翼松板肉」。佢食落口好滑又好爽口，有少少似豬頸肉但係又無咁油。有時見到佢有新款肉推出都會試下既，不過呢個就係我每一次都必點👅另一樣必點既係「滕椒牛舌」 作為牛舌愛好者係唔會放過任何一條牛舌。佢薄薄地好爽脆，同平時打邊爐食到既牛舌完全唔同。🪿最後一樣必點既係鴨腸。對比起鵝腸，我更愛鴨腸。感覺清爽啲，無咁多肥膏無咁油膩。雖然今次嚟到好似全部野都加左少少價咁，但叫左咁多野食先係around$400。有時嚟到深圳唔知食乜都真係不妨考慮下佢…查看更多