沙心海的个人专页

呢间杭帮菜餐厅装修噶够晒靓，不过少咗D人气，我地中午1点到餐厅只得五六围台客，环境真冇得弹，绝对高档，入门就见到2只假噶白孔雀，地毡都系孔雀图。墙壁灯饰处处显得几精美。带我地入座噶服务员都好有礼貌。装菜用的碟碗都几讲究，几乎每道菜用噶碟都唔同形状，而且花咗心思来摆盘噶，杏仁炖猪肺，色水炖到白中带微黄，猪肺几乎都化晒，入口绵稠。几啱我地口味。茴香炸子鸡，一只鸡噶四分一量，鸡肉比较干身，皮零舍香脆。腊鸭舌一份得6条，甜甜咸咸噶味道，我地两个啱好一人三条。觉得呢个当零食都几好。火腿炒面炒得都几干身，而且火腿丝都唔少。 菜噶味道同款式都几有特色，但菜量都比较“迷你”，而且价格偏贵，求求其其都几十蚊一味餸。就餐环境同服务非常好。…查看更多

买噶12.8蚊噶套餐就系睇呢个连锁度度有，而且唔使预约。下昼经过又一城呢间店见人少顺便消费咗呢个团购。套餐系一杯焦糖奶泡鸳鸯同章鱼丸子，原味，海草章鱼丸子二选一。正价原味章鱼丸子系8蚊噶，加海草9蚊。鸳鸯奶泡系12蚊。之前团购价系10.8蚊，家下升咗2蚊。俾咗验证码店员，我啱准备话选海草章鱼丸子，果个男店员就话只有原味噶，我话唔系2种可以选噶咩，距话距呢度得一种，而且讲嘢噶语气唔系咁好。 鸳鸯奶泡要噶系热噶，鸳鸯噶材料就系红茶同咖啡，上面加噶鲜奶泡。味道有D怪怪地，饮落有D煮饭噶哝味。章鱼丸子好少得三粒，味道比较鲜甜。食得未够喉，睇其他食客正价买噶亦都系一样。对呢间唔满意噶系，话章鱼丸子冇得选就算啦，仲要帮后来噶正价客先整嘢，要我等下，咁样噶区别对待下次系唔会来呢间啦。…查看更多

呢间位置响大金钟路公交站后边，行白云山落来肚饿来呢度揾嘢食噶。间铺装修几有特色，大部分都系用木来装饰噶，似个木屋咁。D服务员扮到牛仔咁噶款几得意。 店里特价所有10寸披萨38蚊，都系呢个先吸引到我噶，哈哈。食噶系森巴热舞披萨，细佬唔多中意披萨又点咗肉酱意粉，加两杯奶茶。 披萨同开始睇噶餐牌图片基本差唔多，芝士好多，但分布唔够均匀，披萨料有鸡肉牛肉红辣椒，洋葱，食落口有小小辣，肉粒同芝士混埋一齐，烤得够香，奶茶就系立顿奶茶冲出来噶，大众味道，细佬食噶肉酱意粉食到后尾下面剩低好多油。都系觉得披萨先系亮点！而且觉得披萨同其他牌子噶披萨店比虽然唔出名，但性价比几高，而且仲有买二送一噶优惠。住附近噶街坊有口福啦。…查看更多

朋友带我来呢度食吞拿鱼焗饭，话几好食，但呢间系要到下昼2点先开门做生意噶，同朋友两人2点半左右去到啱开门冇几耐。餐厅有个用铁架整噶阁楼仔，感觉又矮又逼所以都系落来地下坐，可能系为咗突显小酒吧噶氛围，灯光有D暗。 呢间系夫妻店来噶，老板娘做埋服务员，饮料系距来整噶，厨房厨师好似就得一个，店里只有我地两个食客，但点噶吞拿鱼饭同芒果冰沙等咗好耐。 吞拿鱼饭的确唔错，成个饭系用椭圆形噶碟装住噶，最上面噶芝士焗到有焦黄色，第二层系吞拿鱼肉泥，捞埋饭食好香。芒果冰沙就冇咁好啦，冰沙中仲有未打碎噶冰块，而且唔够甜，冰沙口感一D都唔细腻。有D粗，用噶系喇叭形噶杯装噶，身材好“苗条”。呢度消费人均都要去到五十蚊左右噶。 店位置唔熟悉噶人应该好难揾到，其实睇到文明路公交站胜佳超市就得啦，就响距隔离果个巷仔入。 …查看更多

间餐厅虽然话响星级酒店里边，但装修得好差，甚至可以话系比较简陋，起码系我去过咁多酒店餐厅中最简陋噶啦，得个位置高，差唔多系最高层啦，但我地去果日景观位又封咗唔开放。食噶系团购噶68蚊一位噶自助午餐，正价系88蚊。 三文鱼同翡翠螺系按人头一人一份，三文鱼得2片，翡翠螺得2只，三文鱼唔多新鲜，翡翠螺算大只，肉够厚还可以。其他自助真系好少，而且好普通，豉油鸡睇就好靓，但食就冇咩味，好淡。铁板烧只有铁板鸡扒，牛扒，秋刀鱼，多春鱼呢几种，秋刀鱼点柠汁几好味，煎得几香，鸡扒都唔错，表面煎得好脆。里面肉嫩多汁。食完跟住又摞，一次只俾一块噶。 甜点都冇咩特色，蛋糕同出边十蚊一斤噶出品有得挥。睇到就冇咩食欲。 D服务员时时睇住食客食嘢，收盘都几及时。不过随时都望到俾距地睇住，觉得唔系咁舒服。自助餐团购价钱系唔多贵，不过呢度噶出品同呢个价钱都比较衬，再贵就唔会选呢间来食啦。…查看更多

惠福东呢间比较近北京路，所以人气都几旺下噶，而且来帮衬几乎都系清一色噶青年人，所以我同妈子入到去，妈子仲唔好意思咁话：睇来呢D都系靓仔靓妹食噶，我唔啱食噶，其实呢种我就食过好多次噶啦，特登带妈妈来就系让距试下呢种所谓噶台湾甜品。毕竟呢个甜品都系今年先兴起噶，同我地广式甜品有D差别噶。 妈妈唔食得冻嘢帮距点噶红豆芋圆，我自己系冻噶烧仙草芋圆。都系18蚊一碗，热噶红豆芋圆等噶时间耐D，我食噶仙草整得几快，仙草其实就系黑凉粉加芋头，芋圆顶同一D绿豆，仙草滑溜溜口感软过龟苓膏，芋圆就有D似潮州粉果，几弹牙。芋头唔够林，甜得啱好。 妈妈一边食红豆芋圆一边话D嘢好易整噶啫，都系D简单材料，觉得18蚊一碗唔多值，而且距食噶热噶红豆芋圆份量仲细过我食噶仙草。店面虽然细但都几干净，店员噶服务亦都算满意。…查看更多

其实店里小笼汤包噶价钱都系10蚊到15蚊，团购价9.9蚊一笼仲多杯饮料添，店好细，D位估计十个八个就坐满晒啦，两个店员都系男噶，都系一边招呼客人，一边整嘢。虽然店名系“美丽小笼”并唔只得小笼汤包，仲有各式盖浇饭同面噶，价钱13蚊到16蚊之间。 落完单要等8到10分钟左右，事关小笼包系现点现蒸噶，同朋友点噶系香菇小笼同招牌小笼。一笼8只，感觉香菇小笼好食D，无招牌小笼咁油腻，皮都几薄下噶，但入边噶汤汁如果鲜甜小小就更加好味D噶啦，甜橙汁饮咗几啖觉得甜过头，同店员讲咗后帮我加咗D白滚水，呢D咁噶橙汁梗系唔系新鲜炸出来噶啦，都系勾兑果种。呢个团购套餐食得都算OK，毕竟10蚊有找噶价钱算着数噶。而且我地临走买多2笼香菇噶打包，打包费唔使喔！…查看更多

呢间只能话系打住台湾料理招牌噶，原本以为距专登出品噶都系特色噶台湾美食，点知睇餐牌先知道好杂，中式西式都有。点咗卤肉饭同T骨牛扒。 服务员首先上咗免费噶柠檬水，呢度系冇茶位噶。饭系先上噶，D卤肉汁应该系加咗好多香料，好香，D饭用噶系大米，有小小粘性。T骨扒系一个男厨房人员直头用个木垫托住来噶，打开铁板盖，牛扒几咁大块，铁板上噶油滋滋作响，女服务员在一旁一路提醒小心辣亲。 牛扒肉质几滑，而且好弹牙，加上酱汁噶咸鲜味几好食。呢个T骨扒58蚊，觉得出品一D都唔逊色过正规西餐厅，而且价钱相对仲平D添。 中午好多空位，服务员服务都几好！…查看更多

呢间斜对面系老西关濑粉店，但由于光复中路的树叶太密，遮晒呢间噶街招，行到就来到门口先见到，餐厅响二楼，楼梯好窄，中午12点未到来到噶，一个男服务员话等阵有公司来聚会，要我地3个人坐细台。求其啦！餐厅环境比较旧，而且我地坐噶果个位置地面有水渍。消费噶系88蚊噶团购餐。成个上餐太慢，坐低等咗十几分钟先上来一味荔枝木烧鸡，跟住豆芽炒叉烧，茄子煲，蒜子焖钳鱼，五杯鹅都系隔住时间上噶，最离谱噶系铁板田鸡到我地差唔多走果时一再催促下先上。 菜噶份量基本算足噶，特别系烧鸡，成只鸡来噶，皮脆肉香，但肉稍微咸咗少少。茄子煲几家常，肉碎好多，茄肉好林，略油腻。蒜子焖钳鱼都系有D偏咸，同铁板田鸡一样鲜味不足。呢几味中最好味道噶系五杯鹅，鹅肉软烂，小小甜中带酱香味。 服务员好少，人客坐到满时都只见到4个，等餐噶时间只有用GPRS上网，呢度无wifi.…查看更多

呢次食呢间牛杂发现又升价啦，原先5蚊噶萝卜牛杂家下升价到7蚊，果个男店员好似忽金咁往碗仔入边装，萝卜就大大旧，牛杂就丁丁碎，而且牛肺多，萝卜煲得好林，入口i即溶果种，而且距噶甜酱酸酸甜甜点住来食几好食，与其买呢个萝卜牛杂，不如买5蚊噶净萝卜食好过啦，事关牛杂真噶食唔到几旧啊！距呢度净牛杂系12蚊，不过都系店员求其忽，唔俾拣噶，除咗牛杂仲有鱼蛋果D嘢噶，店员服务态度一般。…查看更多

呢间鸡排超人比较近地铁口，来往人流量大，来帮衬噶靓仔靓女大把，我都系其中一个啦，不过话是话啦，果个炸鸡师傅真系姐手姐脚，做嘢慢得不得了，我买噶时候得3个人咋，但我足足等咗半粒钟都唔止，店细冇掟坐，企得几鬼辛苦。好彩人唔系咁多，真谂唔到人多果时距2个店员得一个整，要搞到几时！ 买噶一杯冰爽茶5蚊，甜中带酸果种，味道一般超人鸡排11蚊，距炸噶时候系一整件来噶，炸完用蛟剪剪成若干细件，趁热食外香里嫩。两样嘢落肚虽然量唔算多，但都觉得有D滞，抑或系炸鸡油腻噶缘故啩。 见到呢间店仲可以送外卖，真觉得有D意外，可能我买噶时候距店里未人齐啩。。。。 …查看更多

久闻其名，卒之来到，呢间店装饰得几有西关大屋噶style,特别系大门噶一边用噶系樘龙门，使到成个店几有怀旧感，睇墙上介绍呢间出品噶拉肠同甜品都系人工石磨磨出来噶。店里除咗有各式拉肠，仲有砂锅饭，甜品.... 因为唔多中意食肉，所以点噶炸面拉肠，5蚊一碟，出品几好，碟头显得唔细（或许都有炸面撑住噶效果），而且重要噶系距淋噶豉油味道几好几鲜，有DD甜，炸面可能系时间耐咗，唔够脆，不过我都几中意，食一碟唔够仲加多碟添。睇距地噶店员好似乜都识咁，收银噶都水随时走去厨房帮客人整嘢，（厨房算半卡放式噶）态度都唔错，如果住响附近就好咯，我谂都会经常来噶。…查看更多

去体育西搭地铁经过天河又一城呢个尚大，谂住买几个包做宵夜所以就埋到去，店员都几热情介绍呢个推荐果个，但我本身唔多中意买嘢噶时候有销士响侧边鸡啄唔断咁讲，所以同距讲声：多谢，我自己慢慢拣，唔使介绍噶啦！如果唔咁讲，我行一步距跟一步觉得有D不自在。 买咗2包餐包，一包6个系沾埋成一旧果种，8蚊一包，响度算平噶啦，餐包唔大，不过红豆沙馅都算多噶，豆沙馅比较甜，几细腻，见店里新出种叫 软大法包，睇果款都大件，不过短过正常噶法包好多，店员话口感好过法包唔似法包咁硬，系距店里将法包改良后新出噶，不过当时冇买，都系中意有馅噶多D。 尚大价钱唔平，但基本每样嘢味道都算唔错噶。…查看更多

寻日过市桥玩，见到呢间店门口企满晒人，以为有金执，原来系蛋挞新鲜出炉，一个二个响度等住买，睇价钱系唔多贵，蛋挞5蚊半打，10蚊1打，葡挞个半银钱一个，7.5蚊半打，15蚊1打。反正买得越多越平就系啦。见咁多人买，我都买咗打蛋挞试下，见到仲有2蚊噶细细件芝士蛋糕卖，顺便就问店员系重芝士定轻芝士？点知果个女店员冇好气咁话，咩重芝士啊？唔知！晕低，自己系整蛋糕噶竟然唔知重芝士系乜！！！ 蛋挞都唔算太细个，但好薄，埋到口食唔出蛋噶香味，而且蛋挞底软林林好易碎，估计都系因为价钱平先引到咁多客来帮衬噶。味道倒系其次啦。…查看更多

好耐冇来呢间食啦。谂到呢间有火锅加烧烤自助都几啱而家咁噶天气。于是同朋友约好去食噶。中午51蚊一位包埋茶位噶，12点未够冇咩客大把位，食噶嘢几乎都摆晒出来啦。 食噶嘢同以前比，好似少咗D品种，小食冇咗我中意噶海草，得生果沙律同蔬菜沙律。寿司有4，5个品种，我摞八爪鱼噶多D，黑蟹子红蟹子料少饭团大。 火锅料主要系各种丸仔多，咩牛肉丸猪肉丸，鱼丸，呢D摞得比较少，本身唔多中意，距果D肉系分腌制过同无味噶，方便打边炉同烧烤噶选择，呢点几好，牛肉片，鸡肉，羊肉亦都系无限量噶。 烤炉同火锅火都够猛，我地食下食下始终唔见摆生蚝出来，问服务员先知家下系一个人限量三个，而且要出声先俾，额。。。呢个同以前比算缩水咯啩！以前生蚝都系一盆盆摞出来随便摞噶。食材基本都算新鲜，味道麻麻。可以交5蚊办会员卡，每次优惠5蚊一位。…查看更多