小飞侠kk的个人专页

很老字号嘅一间铺头，起码10年以上，以前是卖中式包点，后尾转卖西式，依家就中西合璧！一边卖西式嘅面包蛋糕，一边卖中式包点糯米鸡。 一直都是帮衬佢地嘅糯米鸡，入边内容都算丰富，起码真是有鸡同埋有沙葛。糯米好软，而且比较有味道，混合上淡淡嘅荷叶香，不愧为我的最爱！！食10年做早餐都唔会厌！！…查看更多

之前团购过来食嘅，第一次食，连点餐都有dd惊，好彩服务员好nice！位置唔算多，但是坐得几舒服！ 吞拿鱼三文治好好味，最中意加芥末酱同蛋黄酱！！！虽然d鱼肉冻冻地，但是佢地可以帮你加热，之后d酱就会同鱼肉混合埋一齐，加上我次次都点嘅double cheese！！！正到无比！！以前食嘅时候饮品可以续杯嘅，依家唔知有无呢~…查看更多

细细嘅店铺，每次都会坐满人，基本上都是要搭台嘅。饺子据说是新鲜包嘅，但是见唔到有人包啦。煎倒是不停滴煎，新鲜热辣嘅！但是，其实我唔是好明点解大家都盛赞呢度嘅饺子，我觉得麻麻地，皮好厚，煎咗之后有d硬，唔是我中意食嘅果种饺子咯！…查看更多

下午茶首选之一，烧鸡翼是最爱！！！虽然价钱是有d贵同烧春鸡比起上来，但是，烧鸡翼嘅鸡翼大过烧春鸡嘅好多，而且是蜜汁烧嘅，又香口又甜！！奶茶好香好滑，不过好似有dd偏甜咗。套餐价格比较抵！呢间算是附近比较大嘅快餐，所以位置比较多，基本唔使等位！…查看更多

系动漫星城入边，厕所出来就见到了~隔离开咗间食d酸辣粉嘅，搞到果度附近嘅位置都比较热，其他都OK。新出咗个烧鸡套餐，但是好似无以前嘅烧春鸡好食，而且，分量少咗了...下午茶点咗个公仔面加豆浆，豆浆无热嘅好彩都唔是好冻，无加冰，但是明显是用豆浆粉冲嘅，味道唔差。公仔面选咗配午餐肉，正方形嘅比较爽口，圆嘅就比较软，好似无咁好食！服务态度唔错，但是上菜有d慢~…查看更多

第一次来呢度买面包，入边d面包唔算贵，真正贵嘅是蛋糕！！！而且，是好贵！！！芝士蛋糕比天使简约同芝心堂都贵！我order咗一个炭烧芝士柠檬蛋糕。上边嘅芝士分量好客观，但是严格上来讲唔是蛋糕，因为下边嘅底唔是蛋糕底，是类似提拉米苏中间果层浸软咗嘅手指饼。芝士部分好香，柠檬味集中系饼底同芝士中间，有dd漏，几好味！…查看更多

中午如果天气太热，基本上都是点佢地嘅外卖。每个月都有dd是特价嘅，虽然可能比太和仔贵dd，而且要提前一个钟订餐，但是唔使自己出去就已经赚咗啦！ 蜜汁叉烧拼蛋莆饭，14蚊，但是纯叉烧饭竟然贵1蚊！不得不佩服师傅嘅刀工，d叉烧真是切得好薄！！蛋甫真是好好食！！大爱！！！纸包鸡都是！！！…查看更多

环境一般，卫生一般，服务态度都一般般。但是，胜在够平。 味道OK，尤其是只白切鸡，好抵！虽然依家可能唔是好啱食鸡，但是真是几抵食，而且味道ok。肉唔会好老，但是够熟，骨头是带血嘅微红！是老广嘅最爱！炒菜心够镬气，条条翠绿！…查看更多

这年头，连饺子馆都有wifi了~饺子价格有点儿贵，但是干净卫生咯。店面比较细，但是中午时间好多人。大多数人都会点拌面同埋饺子，我个人来讲比较中意饺子。虽然种类唔够多，但是味道唔错，可惜性价比唔够高。另外一个值得赞嘅是，佢地呢度提供嘅打包盒是可以放入微波炉嘅塑胶盒！…查看更多

系麓景路上算是一间性价比比较高嘅面包铺，新开无几耐优惠几多。 红豆土司几好食，好多红豆馅，又香有软！而且，价钱合理，同附近嘅皇冠比嘅话！蛋挞同葡挞都几好食，够香够甜够蛋味！尤其是新鲜出炉果时！！ 不过，依家好似少咗好多打折了…查看更多

街角嘅小店，有卖豆浆，各种糕类，各种蒸的食品。 食过佢嘅萝卜糕，粉有d多，有d油；桂花糕，入边真是有桂花嘅，不过唔算好香桂花味；饺子，有好多种口味，白菜，韭菜，紫菜，马蹄。最中意紫菜味，因为感觉上会香d！猪肉丸，大大粒，通常一粒4个半左右，同一条紫菜卷嘅价钱差唔多！肉唔算好新鲜，但是会有满足感！紫菜卷，真是一条嘅紫菜卷，入边有一条蟹柳！最爱！！不过好油~ 呢度有提供加热嘅服务，但是佢地会连胶袋一齐放埋入去叮，所以，要唔要加热你最好谂过先咯！…查看更多

大爱佢嘅吞拿鱼三文治！！6蚊一个，好足料！！！三层嘅面包，面同底两层都有用蛋浆浸过来叮，比较香口！中间是满满的吞拿鱼酱！！！好多鱼肉，好好味！！！仲有一层夹嘅有时是芝士，有时是肉，要睇大厨心情啦！不过，最近可能大厨开始觉得吞拿鱼贵，竟然出现咗用肠仔代替吞拿鱼酱！！！接受唔到吖！！！另外，佢地个蛋糕都是一个point！大部分都好一般，但是价钱都几贵！心情唔好嘅时候食下都可以啦~调节一下！…查看更多

路边一间好简陋嘅铺头，一对夫妇在经营。卖嘅凉茶是一包包放系冰箱入边嘅，应该是由公司统一配送嘅吧！好少会提供加热服务，起码我买咁多次，佢地都好少会帮我加热，即使冬天都是咁！不过算啦，凉茶嘛，可以下火就好！ 斑痧是一如既往地苦；火麻仁可以清肠热，利肠胃！而且，火麻仁比较好饮，我几乎次次都是饮佢！好似，火麻仁都唔是咁适合加热饮...…查看更多

A：双人经典套餐（仅售58元，价值128元）- 鱼子酱蒸蛋（2个）- 芝士焗明虾（4只）- 金针菇牛肉卷（4卷）- 黑椒鸡扒- 纽约客西冷牛扒- 铁板火焰香蕉冰淇淋（2份）- 铁板时蔬- 法式浓汤（2份）- 米饭（2份）- 茶位（2位） 位置有d偏，主要是因为5号停机坪呢度比较少车到啦！内部其实唔算大，但是基本上几乎每个位都是有铁板嘅，可以睇到师傅点整d食物出来！喷火果度真是好震撼！！我地试食咗呢个套餐。法式浓汤：其实就是奶油南瓜汤，淡淡嘅奶香点缀住南瓜汤，貌美，但是最后几啖有dd甜。餐前小时：香肠同牛油面包，这个是用来开胃嘅，唔多讲啦！鱼子酱蒸蛋：微咸嘅鱼子酱衬托住淡味嘅鸡蛋，唔错嘅搭配吖！芝士局明虾：虽然经过铁板，但是虾肉依然鲜嫩，加上我最爱嘅芝士，好味！！而且虾头有膏，更加香吖！！！金针菇牛肉卷：好juicy嘅一道菜，虽然我觉得牛肉好似有d老了，但是金针菇好juicy，好正！！黑椒鸡排：唔错！鸡肉几滑~西冷牛排：师傅无将佢整到全熟，大概是怕会太老吧！黑椒味比较重，重口味之作吖！铁板时蔬：就是铁板时蔬咯！火焰香蕉冰淇淋：香蕉好似预先炸过嘅，再系铁板度煎一下，加上雪糕！然后，点火！！！虽然唔是第一次睇，但是都觉得好震撼！！！最后淋上朱古力酱，完成！！好味！！！…查看更多

去年9月来过一次，今年再来..旧年太疯狂了，今年终于正常翻.. 你以为我会话你知我地食咁少是为咗要去五代同糖咩~感觉上，菜牌上边嘅菜好似少咗，不过，好食嘅依然系度！滋味小排--真是好味咯！！不过，好少！！但是d汁好好味！估计有：陈醋，蜜糖，老抽，冰糖！！排骨来讲唔算特别好肉，但是，因为个汁太好味了，所以，大加分！！！炒菠菜--好大只碟但是好细个菠菜...果然，外出食饭最坑爹嘅就是食青菜！！！雪菜炖老豆腐--不过不失嘅一道菜，豆腐虽然叫老豆腐，但是其实都几滑，个汤唔错！菜饭--依然是我地嘅最爱，依然都是好油...但是，真是好味！！一餐落来，今次应该是正常量，111蚊两个人~~…查看更多