carmen_919的个人专页

北京路附近好多茶市，今次嚟试试呢间又一间茶多轩，地方比较好搵就地铁上盖，环境唔好比较多老人家唔多适合后生仔女嚟，虾饺嘅皮好厚里面嘅馅料好少，虾好似唔多新鲜感觉，牛腩猪肠粉还可以，牛腩焖得好淋，猪肠粉拆散嚟点D腩汁好食好多，仲有配佐D白萝卜都好入味，凤爪就一般般了，感觉好烂唔系咁好食。…查看更多

同朋友嚟太平馆餐厅食饭，听闻呢间餐厅已经历史悠久了，我都系第一次嚟，真系乡下妹了，环境都算比较优雅，当时我哋上佐2楼坐楼层有D偏低坐得有D压抑感觉，翻翻餐牌价格都唔便宜喔，求其点佐份海鲜焗饭，焗饭总系耐等，上面一层淡黄色嘅肯定就芝士，揭开一层厚厚嘅芝士后下面嘅都系D海鲜虾、鱿鱼、蟹柳，饭粒炒过香口D，仲有D粟米甜甜嘅感觉。…查看更多

屋企周边食饭坐得舒服嘅就唯有呢间凯潮农家宴，环境比较大有两个厅仲有几十间包房，出品算唔错份量几大，丝瓜浸鱼皮角基本上嚟亲食饭都会点，汤底唔错带有少少嘅胡椒味道，丝瓜、鱼皮角、木耳、菇捆、支竹好多材料，墨鱼花我都觉得唔错嘅，就用蒜头清蒸再点D芥末豉油，份量系少D但味道洗几好嘅，铁板牛仔肉都好食，件件都好大旧肉，黑椒味带有少少微辣，牛仔肉好嫩。…查看更多

有幸半夜三更嚟番禺标记美食食猪杂粥，听闻话系12点后食系最新鲜嘅，大排档形式人气都几旺，当时仲要系天时冷夜妈妈去食几咁寒凉，苟几猪杂粥，粥水煲得好棉，咩料都有生肠、猪腰、猪面肉等等嘅材料，猪生肠爆浆好惹味唔错，食落口又唔会好韧难赵口，椒盐炸排骨呢个就真系，骨多过肉皆因都切佐D落去煲粥了，食骨头嘅味道呗。…查看更多

由于一早踩单车呢个活动所以就前往小洲村饮茶，拥堵围城夸张多人到傻，环境好差地面好邋遢，本地人去饮茶又有外地入嚟饮完茶行下小洲村嘅都有，年轻人都比较多，需要食嘅就要等位呗仲要系静静地企系台隔离睇住边个埋单即刻冲埋去摞位，杯碟筷子好油腻，我哋5个人3个去摞嘢食2个系度负责洗碗，我哋坐一大张圆台摞D点心翻嚟都占佐半张台位置，隔离搭台嘅人都睇到O晒嘴，都系摞D平时饮茶食开嘅干蒸烧卖虾饺排骨凤爪蛋挞粥等等嘅点心，我个人觉得，冇一样点心好食，虾饺皮超级厚冇咩料，干蒸D肉削嘅，凤爪嘅味道都算可以....真心去一次足够。…查看更多

因为偶然嘅一次睇到网上系维多利亚开一间探鱼仲要疯狂打折，就冲住去食，唔去唔知，超级无敌多人幸好预先一早有人去摞好排队，一等再等直到8点钟先可以埋座真系痛苦吖，环境好似解放前嘅感觉比较怀旧，我哋5个人比张4人台我哋点样坐吖，唯有将就将就逼住坐，上菜好慢可能多人问题，重庆豆花鱼大大一条，幸好5个人去食，咪先食唔完，味道好正点，辣味十足，鱼肉好滑，4角位有三角形豆腐，浸泡得耐都入晒味，食完豆腐可以叫添加免费的，仲有其他嘅小食都唔错，如果唔系因为打折大酬宾我谂都唔会去食，价格比较贵…查看更多

雍盛菜馆就系13路车总站位置，饭店应该开得比较耐了，环境都比较陈旧嘅感觉，一楼地方得好细上二楼嘅话要通过一条小巷穿过去，楼面比较低坐得有D唔系咁舒服，开系呢度嘅饭店价格都算平民，廿几蚊一个菜份量都算几大，呢个椒盐生坑鱼几惹味，好耐都冇食过了，脆脆嘅感觉里软软嘅连骨都可以食埋，娃娃菜浸肥牛，下面娃娃菜就好多啦，肥牛份量算几多，一人一件卓卓有余添，有少少嘅微辣。…查看更多

天成川菜馆永远都系咁多人去食嘅，6点开始排晒大队叫号入座，要食嘅就早D去摞位啦，上菜好快埋单执台仲快，紧系啦下面几十个人等住喔，酸菜鱼必定点嚟食嘅，鱼肉好滑份量都好多下面铺垫嘅全部都系酸菜，要佐微辣口感系刚刚好，再嚟个水煮牛肉，其实我知道呢个菜比较坑爹，D牛肉边可能咁滑都系落佐牛肉粉嚟整，不过想食被坑也罢，每次食亲都会点上汤豆苗，虽然有臭青嘅味道，可能因为食佐辣嘢想食个上汤菜嚟解下辣。…查看更多

嚟下江南食一鱼多食觉得唔错，十几蚊一斤鱼都还算可以，环境就差佐少少味道还OK嘅，一条鱼整佐几味，剁椒鱼头，好辣食佐两三旧冇再食，早知要嚟滚汤冇咁浪费，椒盐鱼骨有D漏口，因为佢炸过嚟仲有D鱼腩比较肥腻，味道系唔错嘅送啤酒一流，鱼皮就紧系要嚟白灼然后点豉油芥末，口感爽爽的，一条鱼当然唔少得鱼生啦，一碟里面都系得那么几片，拌埋一起一淡可以食完，系几鲜甜嘅感觉。…查看更多

纯再餐厅都去过三次都试佐唔同嘅美食，感觉都系一般般，如果唔系因为有团购都唔会去，价格比较高，食材分量都比较少，环境系唔错嘅几适合情侣去撑抬脚嘅餐厅，拿破仑系佢哋呢度嘅主打甜品就试试佢咯，一上嚟好惊讶高高嘅4层中间夹住D奶油同水果不过饭后食确实已经食唔晒好漏咁觉，可能我又唔太喜欢甜嘢吧，仲食佐粉丝蒸大虾，一只虾对半开嚟蒸冇乜特别感觉仲比较细只，上汤西兰花我挚爱唔错。…查看更多

终于睇到传说中嘅西关婆婆面了，店铺好细间好闷焗热，将就食完拿拿临走算了，价格都算适中，但系味道好普通，叫佐碱水面汤底的确几清淡唔错嘅，但系云吞冇咩特别，皮系几薄嘅都有5-6只，就系冇网上讲到话咁好味咁咯，个人口味问题吧....…查看更多

好耐都冇嚟万岁食寿司啦，今次食翻够本先得，宝岗广百呢间万岁都系第一次嚟食，胜在唔使排队等位人流量又比较少，店铺原本系大城小厨嚟嘅，店铺面积唔算好大，点佐三文鱼刺身必点嘅，呢度都算可以几厚一片冰冻足够，北极贝寿司系我最爱所以都系必点，咁多间寿司店北极贝都系觉得万岁最大件，蟹皇寿司水份好足又鲜甜，仲有地狱拉面都觉得唔错，汤底微微嘅辣。…查看更多

发觉而家好中意嚟点都德饮茶，可能出品有点西关地道特色，环境都算可以几有特色，全部都系已功夫茶形式，价格都算中规中矩啦，品种都算几多，点佐老豆喜欢食嘅炸年糕，我食过一淡口感觉得麻麻地啫，有D油腻感觉毕竟炸过吧，陈皮牛肉丸，冇咩陈皮味道牛丸就几爽口嘅，可是有我唔喜欢嘅芫茜系里面，仲有呢度嘅炒面觉得唔错几大碟炒得咁身料都几多。而家食满150蚊可以送土鸡蛋，但系周六日唔可以用团购券唔系咁好，排队嘅人都几多，成日将D人叫上3楼坐我个人唔系咁喜欢，2楼空空的又唔叫去坐，讨厌。…查看更多

系客村呢间乐凯撒比萨食过3次，次次去都系排晒长队等位，好饿吖至少等一到两个钟，皆因店面好细放客人入去只能逐少放，要食就等呗，企系门口已经闻到阵阵飘香嘅榴莲味道，预先同服务员讲定要点乜嘢落单后你坐低冇几耐就可以有得食唔使等，睇过餐牌自然点个套餐（榴莲披萨+鸡翅+两罐饮料）饮料可以自行调配补差价就系啦，再要多份芝士条睇图片好似几吸引所以点佐佢，噔噔噔噔...主角上场不负所望，里面嘅全部都系榴莲肉好足料仲好新鲜，披萨皮够薄，鸡翅用佐奥尔良嚟整好入味，肉质嫩滑，唔知系咪因为食完个榴莲披萨再食个芝士条感觉冇味道，不过就脆卜卜都唔错嘅，值得等咁耐....赞…查看更多

一生人第一次打入金矿KTV，人人都话几好唔错，自助餐又丰富服务又好，房间又好音质又好，我觉得不外如是啫，可能我哋去嘅不是很好时候吧，因为系过年期间的仲要系大年初一，价格就冇升到，单词出品同服务就冇讲到咁好，房间系唔错音质都OK，嚟讲讲自助餐有D咩嘢啦，转佐一圈都唔知摞乜嘢食好，感觉好普通都系平时去开K场嘅食物冇咩特别吸引，麻辣烫、烧味、韩国料理就比较有点惊喜、水果甜品、中式一盅两件都有、云吞面鱼蛋粉都有，总之就基本普通嘅自助餐啦。…查看更多