luckyucn的个人专页

环境确实唔错，装修得好有档次而且交通方便。招牌避风塘炒蟹好正，金黄色蒜蓉洒系红当当噶蟹上边，卖相好吸引，睇见就想吃啦。辣味仲可以根据客人要求调整。蟹肉肉质紧实味道鲜美，食材新鲜。蒜香味、辣味与蟹味完美结合。泥猛粥粥底鲜鱼肉甜嫩滑。炸脆鳝，好香口松脆。味道同出品接近香港总店水平。…查看更多

团购左牛皇锅，价格实惠，分量足。锅底铺左一层白萝卜，然后上面是牛杂，牛肠，牛肚，牛膀，牛筋等。要焖得耐D先入味，内脏清洗得好干净，完全无骚味。牛皇锅汤汁用黎碌金针菇，面筋，炸支竹，蔬菜味道一流。分量好足，唔会因为是团购就比少D，最后吃唔晒，仲打包番屋企添，以后仲会再帮衬。…查看更多

系广州有好多分店，专门售卖零食。品种多琳琅满目，有好多国外出名噶经典零食售卖，唔使出国就买到啦，真是方便。店环境唔错，干净卫生。服务周到，见到顾客手上罗住好多野会主动比一个篮你装。价钱有D贵，但商品种类齐全，而且不定期有特价。橡皮糖同薯片是必买噶。…查看更多

鸡蛋拉肠：分量好足，拉肠整得都好薄下，滑爽，有弹性，味道几好！鸳鸯肠：猪肉同牛肉整得好嫩滑，酱油味道唔错，唔会好甜。艇仔粥好多料，加D胡椒同油炸鬼风味仲一流。店面细，好逼人，老字号经常要排队等位同搭台，不过上菜速度几快。…查看更多

招牌灌汤包皮薄馅多，一啖咬落去就有好多汤汁流出黎。味道鲜美，升左价而家要18蚊咯。希望继续保持水准。拍黄瓜爽口，辣味适中，好开胃。金钱肚够爽脆，不韧，好入味。小米粥有D稀，较清淡。饭市客流量好大，迟左去要有心理准备等位。服务员噶着装好有特色。…查看更多

香辣虾，蟹又香又辣，用好大噶盆装住，红彤彤睇见就好有食欲啦，吃得好过瘾。个人比较喜欢吃香辣虾，连壳都可以吃，虾比较新鲜,所以肉质好爽口而且虾身干脆。而香辣蟹就肉质紧实，外辣里香，蟹肉保留了原来的鲜味，但一只蟹水草就占左一半重量唔够香辣虾抵吃。招牌菜真的名不虚传，分量十足。…查看更多

衣度噶酸菜鱼价钱抵，分量足，味道正。卖相唔错，食材新鲜，鱼肉又滑又嫩，麻、辣恰到好处。价钱大众化，价格公道，性价比高。蹄筋炒芥兰一道路好特别噶菜，中意吃辣噶就岩晒啦。沙姜鸡油淋猪肚，猪肚洗衣得好干净，无骚味，切得够厚，吃起来好有嚼头。蒜香骨大小适中，香脆可口，份量足够。…查看更多

店如其名，“集四海美食于一家”。装修豪华，不同区域有唔同风格。食物品种琳琅满目，睇到人眼花。生蚝好大只好肥美，但好多人排队，少D耐性都唔得。三文鱼够肥厚，新鲜。酥皮鱼翅汤都唔错，必罗。人多热闹，所以都几吵下。凭雪糕券每个人仲可以换一份哈根达斯。生日去有优惠。…查看更多

终于系白天鹅装修前去吃左咯，环境，出品，服务都好好。坐系江边一边吃美食一边睇风景确实一流。特别是睇夜景仲正。食材新鲜，刺身虽然要排队罗，但厨师一D都唔孤寒，每次起码厚切5,6片，仲几肥美添，口感极佳。鹅肝酱好绵好滑啊，甘香，入口即溶。甜品卖相精致，香滑软熟,食品补充得好及时而且餐具都好卫生。…查看更多

一间历史悠久噶老饭店，是广州回教同胞吃饭聚会噶好地方，衣度噶出品秉承清真噶传统。装修后好有民族特色。个人中意黎衣度饮早茶，虾饺，料足味鲜。羊肉叉烧包第一次吃，口感几特别，有少少羊骚味。牛羊杂汤好入味，一D都唔骚。葱油饼煎得香脆可口。好多人大厅基本全部要搭枱。…查看更多

行完恒宝，去左多宝路觅食。见到衣间店都几多人帮衬，于是入去试下。点左个红葱头淋鸡同做紧特价噶苦瓜炒蛋，仲有炒面。鸡皮爽肉滑唔鞋口，红葱头有少少辛辣，但好开胃。就是分量少左D。苦瓜炒蛋，蛋滑苦瓜唔苦。味道不过不失。…查看更多

系大塘开左好耐啦，价格实惠，好多人帮衬。除左午晚饭市外仲有早茶同宵夜。中意吃衣度噶烧鹅皮脆肉又甘又香又多汁又唔肥，配上酸梅酱味道一流。珍珠蚝猪手，分量足，味道好。猪手焖得好入味，入口即溶，好丰富噶胶质，正。…查看更多

如果无车噶话过黎衣度好麻烦，从广州坐地铁去到番禺广场再坐唯一噶线路入去，用左将近2个钟。好彩环境几靓，空气清新，食物出品唔错。价值188元的一方渔家河鲜烩，用一个好大噶盘装住，入边有鱼，有虾，有贝类，有蟹，有冬瓜。例外仲提供多种蔬菜。4个人都够食。虾蟹海鲜新鲜，汤鲜甜，味道唔错。仲有免费水果自助餐吃，正。…查看更多

系广州无人唔识，外省游客都慕名而来，老字号园林酒家，英女王都曾经黎过。布局大气豪华，好有西关风情。虾饺皮薄馅靓，虾新鲜，料也足。泮塘马蹄糕是用“泮塘五秀”之一的马蹄来制作，味道的确唔错，亦是衣度噶特色。…查看更多

下午茶时段过去噶，等左3.4个字。价格有D贵，周末去每样野都要加收1元。即点即做，等噶时间有D耐，但出品唔错。品种好多，仲会有D特价点心。虾饺唔错，新鲜，入边有好大只虾仁，皮薄馅靓。炸蛋散好松化，甜度适中。…查看更多