lihuanling的个人专页

呢间赛百味都算比较大间，里面嘅座位比较多，而且有WIFI，好适合休闲咁食三文治，不过冷气唔够凉，尤其夏天会好热。店员唔多，好多时候都只系得一个人，所以出品有D慢。买团购验证，等嘅时间亦都比较长。买咗一个日式烤鸡三文治，烤鸡嘅肉质比较鲜嫩，咁多种肉类，我最中意食呢款。而三文治里面嘅蔬菜都比较新鲜，好爽脆，出品唔错。…查看更多

呢间赛百味唔系面对大马路，需要转入先见到，但由于附近做外贸嘅外国人好多，所以都好多客人帮衬。虽然里面嘅台凳都好多，但用餐高峰都需要等位，而且收银员收银有D慢，导致好多人排队，等得好耐。点咗一个意大利香辣三文治，三文治嘅面包比较硬比较韧，好难咬，里面嘅馅料有D冻有D热，口感一般。拣咗甜洋葱汁，味道唔错酸酸甜甜。…查看更多

呢间赛百味就响APM出口旁边，都几容易揾。相对其它赛百味，呢间店嘅店面都算大，座位比较多，排队购买嘅环境都无其它店咁逼。店员收银同出品都比较迅速，态度唔错。点咗一个花生味嘅曲奇。曲奇都几大一个，里面有一粒粒碎花生，但曲奇唔系松脆嘅，质地系软嘅，似受潮嘅饼干，口感唔多好。…查看更多

呢间金龙船海鲜酒家嘅装修都几高档，环境比较舒服，服务亦都唔错，但出品嘅价格相对有D贵，不过几适合朋友聚会饮茶。上海小笼包嘅卖相唔错，外皮够薄，里面嘅馅料好鲜甜，仲带有肉汁，相当惹味。罗汉斋拉肠里面嘅馅料好多，拉肠亦都好香滑，配上甜甜地嘅豉油，口感唔错。…查看更多

呢间水瓜棚农家菜嘅位置都有D偏，唔系咁易揾。餐厅嘅装修比较大排档，环境有D嘈杂。服务员态度一般，不过上菜都几快。出品都算实惠。所以光顾嘅客人都几多。呢到嘅家禽出品都唔错，今次试咗炆鸭。炆鸭大大一盘，分量相当足，鸭肉够厚实，炆得够入味。可以拣芋头同薯仔一齐炆，口感相当粉，值得尝试。…查看更多

周末中午嚟到呢间汉明小食店相当多人，因为本身店铺店面唔大，所以座位都摆到行人道嘅加位嘞。可能由于客人比较多，所以拉肠等嘅时间比较长。试咗一下牛腩拉肠，其实系拉肠上面放牛腩，开始仲以为系拉肠包住牛腩添。不过呢种食法都几好味，有D似牛腩猪肠粉，但拉肠嘅质地更加香滑，吸收咗腩汁之后，真系相当惹味。…查看更多

呢间东江海鲜酒家就响江边，所以珠江夜游之后，嚟到呢到饮茶。但可能饭市未结束嘅原因，点嘅茶市点心等咗好耐都未上，唯有点一D饭市嘅点心先，但一次要点半打。葱油饼嘅卖相都几靓，唔会煎得好燶，表面够甘香，质地松软，味道唔错。粉果亦都唔错，外皮唔会好厚，里面嘅馅料够足，而且都系即点即蒸，相当新鲜。…查看更多

呢间鹅仔饭店嘅店面都几大，环境比较干净整洁，但台与台之间比较密，而且客人相当多，感觉比较嘈杂。呢到嘅菜式只要以鹅为主，所以烧鹅、鹅肠、鹅杂之类，都好受欢迎。捞鹅肠唔错，卖相似捞鱼皮，而鹅肠都好爽好新鲜，味道调教得好香；酿辣椒亦都唔错，分量比较多，辣椒唔会好辣，但煎得好甘香；蒸鱼亦都系大大一条，价格唔贵，性价比都几高。…查看更多

呢间麦当劳嘅店面都几大，座位够多，基本上每次去到都唔使等位。呢间麦当劳里面有MC CAFE同甜品站，所以都可以满足唔同消费群体嘅需要。不过餐厅里面嘅wifi信号一般，好难连上。店员可能都比较忙，咨询有关搞生日会嘅事宜，都只系俾张宣传单而唔得闲介绍。点咗个新出嘅蜜豆绿精灵，雪糕口感有D似红豆批，味道好香甜。脆皮虽然系绿色，但都系无咩味的，不过配搭都几特别，值得尝试。…查看更多

呢间张记潮隆猪脚店嘅店面唔大，而且装修相当大排档，卫生环境一般。店铺只有卖猪脚饭，但亦都有粿条粉面之类。通常都系点送餐，送餐速度唔算快，有时超过半个钟先送到。猪杂粿条嘅分量都几足，卖相唔错，里面嘅猪杂都几多，而且都比较新鲜，但味道偏淡，猪杂基本无咩味。价格唔算好贵，性价比都算高嘅。…查看更多

呢间必胜客嘅店面唔算好大，虽然有室外嘅座位，但座位总数都唔多，好多时都需要排队等位。餐厅里面嘅服务员真系有D少，加水同点餐都等咗好耐先有人，服务唔多到位。点咗一份肉酱意粉，分量都几足，里面嘅肉酱料都几多，而且系啱啱做好上台嘅，所以仲系冒住烟，热辣辣咁，味道带D番茄嘅酸味，相当可口，口感相当唔错。…查看更多

呢间裕隆大石斑鱼火锅店嘅店面唔大，装修比较大排档，环境有D嘈杂，座位之间亦都有D逼。服务员好似都比较新，问好多菜式嘅问题都唔多清楚。呢到出品嘅价格相当都有D贵，而且碟头真系好细，所以性价比唔高。糕烧双色最为出彩，虽然卖相麻麻，但里面嘅芋头同番薯真系好粉好甜，糖浆亦都好好味；卤水拼盘就一般，里面嘅肥猪肉太肥嘞，鹅肉就有D韧，卤水味道唔系好浓。…查看更多

呢间璟轩酒家嘅店面都几大，装修唔算豪华，但都几得体，环境卫生唔错，所以附近好多街坊都嚟帮衬。虽然呢到嘅服务员少D，但上餐速度都算快。芝麻糕几特别，虽然卖相唔靓，但味道唔错，好香芝麻味，而且响其它食肆都比较少见；煲仔啫啫牛腩粉分量比较足，大大一煲，里面嘅牛腩都几多几入味，口感唔错。…查看更多

呢间贞姨大排档嘅环境真系好大排档，基本都系露天嘅座位，环境麻麻，卫生亦都麻麻，但真系好多人嚟帮衬，迟D到可能仲要等位。服务基本都无嘅，但上菜速度够快。点咗一份蒜蓉蒸扇贝，扇贝够大只，味道亦都好鲜甜，肉质够爽，相当新鲜。炒花甲嘅卖相唔错，炒得够入味，而且唔会净系得D壳，基本粒粒都有肉。再要咗份炒牛河，牛肉分量真系好少，而且油比较多，感觉有D肥腻。但总体出品都唔错，价格够实惠，性价比高。…查看更多

呢间丁煮场嘅店面都几大，而且因为系由足球评述员丁伟杰所创立经营嘅，所以店里面嘅装修，都充满足球嘅氛围。墙上贴有好多球队嘅相片，亦都挂有好多台电视，好合适波友嚟一边食饭，一边睇足球。不过呢到嘅出品相对都偏贵，人均起码都80蚊。点咗一份野菜千层羊肉卷，卖相都几靓，但只有8小件，感觉性价比唔高。羊肉卷里面嘅羊肉唔系好多，但因为外面系炸香脆嘅，里面有配搭D蔬菜，所以口感都几爽脆，再配D酱汁，味道唔错。…查看更多