kinghere的个人专页

呢度成30几年嘅老字号店啊，门面好细，不过里面地方几大，仲有2层添，满晒人啊嚟度，唯有同人哋拼台咯，试过呢度嘅炸牛奶，味道都唔错，几香下，牛奶炖汤一直都想试，于是就叫咗个牛奶炖乌鸡，不过完全都冇奶味，就系鸡汤味，奶白色嘅汤而已，不过都几香，几好饮。…查看更多

呢度大大话话都开咗成10年唔止啦，牛三星最出名，老字号，出品一直都好有保证，次次我嚟呢度都系要食牛三星，牛腩就未试过啊，不过都系呢度嘅招牌，不过呢度最衰就系唔收100蚊纸，佢话冇得找，系要你去隔离买嘢唱散佢，我试过2次都系咁，真系好不爽！…查看更多

我系团购过嚟呢度食嘅，系套餐嚟嘅，星期六日天气好热，呢度都满晒人，等咗一阵先有位，呢间店位同位之间比较逼，唔够大，我哋叫咗水果沙律，芒果都系咁好食，又香又甜，其他草莓啊，奇异果就酸好多咯，总体都可以啦，分量比较细，一下子就食晒啦…查看更多

睇咗开饭喇嘅介绍之后，就满心欢喜咁同老公一齐嚟呢度试下啦，我哋好早就去到咯，就系惊好多人要排队，点知去到话10点先开门，哈哈，然后叫咗花容月貌翅，都等到成10点半先有得食咯，不过口感就好一般咯，比较失望，好似落咗味精咁，自己屋企仲整得好食，不过料都算足，有花胶，鸡丝，木耳，响螺片。…查看更多

团购去嘅，五十九蚊嘅自助餐烧烤，我哋一共6嘅人，自己带咗两支烧烤汁，两支油，一把刀咁，一共加咗2次碳，要15蚊一袋，果度啲服务员唔会帮你加炭嘅，都系要自己加，如果要开多个炉就要八十蚊，节假日仲要一百蚊添，好多蚊，记得要带蚊怕水之类，成过过程都系自助，反正自己旭手整咯。…查看更多

个F生日，就帮我哋拣咗呢间店庆祝，环境好唔错，灯光柔和，好有情调，服务员态度又好好，见我哋摞住蛋糕就主动帮我哋摞去雪起佢，呢度菜式味道洗我中意嘅，都系西式类型，咸猪手好好食，味道啱啱好，土豆泥好软绵，而且好香，焦糖玛奇朵，上面啲香草奶泡，口感好正，一啲都唔漏喉，性价比好高下。…查看更多

系网上面团购嘅芒果芝士蛋糕啊，铺头就系中环广场三楼果度，位置好好，而且呢度好干净好整洁，去到就直接出示我团购嘅券号，佢度店员就即刻摞咗个现成嘅蛋糕盒比我，装好蛋糕比我，包到好靓，不过团购冇蜡烛，要加3蚊买嘅，包装好实净，翻到去都仲好完整，味道唔错，芝士味好浓郁。…查看更多

只可以话唔会再嚟呢度咯，嚟到自己搵位，又冇人招呼，坐咗喺度半个钟，先至有人嚟，点菜果时果个经理静系挂住同人啲讲野，一个菜叫咗几次都重复又重复，本嚟我都话要个细煲，佢又话好细，要叫个大嘅，结果都系食唔晒，汤底成半个钟先上，饿足成个钟，反正态度咁差，下次都唔嚟。…查看更多

之前同我家姐去过一次,两个人食咗200几蚊,仲要食得唔饱,话明阿根廷餐厅,我以为有咩特色添,点知入到去黑妈妈,灯光昏暗,然后睇睇个餐牌,扒类都要60几蚊一份,咁我同我家姐就叫咗两份扒,仲有d小菜,菜等咗好耐先送到上嚟,扒都未熟,仲喺血淋淋,但系我哋点嘅时候佢又无问我哋要几成熟,唉...然后味道麻麻,酱汁麻麻,无特色,以后都唔会去了,跟住走嘅时候仲有人派传单俾我,我话,我以后都唔嚟呢度食喇...…查看更多

其实我觉得呢间店都几搞笑呀,好似小矮人嘅天堂咁,话明系鼎呀嘛,店里面唔喺好大,环境麻麻,连空调都好似唔舍得开大d咁,话明九鼎鸭,紧喺鸭最出名架喇,点咗鸭掌,3蚊鸡一只,味道唔错,几好咬口,鸭仔菜,我以为喺咩菜,原来系芥菜,不过好鬼苦,唔知喺米正常呢,仲有鸭下巴,28蚊,不过冇乜肉食,但系就好脆炸到,鸭仔饭,好中意,好鬼香囖!哈哈~其实都几有特色嘅一间店,推荐!…查看更多

之前团购去果度食嘅,不过觉得有d失望,服务态度唔喺咁好,叫咗好耐先应,而且果度好鬼嘈,然后我哋搵位坐低自后就点咗双层糕,面包虾,咖喱春卷,黄咖喱薯仔牛腩煲,味道都算过得去喇,咖喱味道比较好,双层糕卖相好好,不过食就唔多好食,唔喺团购我谂都唔会嚟了,不如去大头虾好过囖.…查看更多

好中意呢度d骨汤，牛奶味好浓，每次冇胃口都会嚟呢度，觉得食欲大增，不过骨筒上面喺冇乜肉嘅，哈哈~炸腐竹都好好味，不过最衰就喺服务，叫十年都唔睬人，落咗单又迟迟都唔上，真系质素影响整间店呀...…查看更多

令我印象深刻就喺佢个大招牌，之前同朋友去，晚餐自助餐188蚊，外加15%服务费，不过就真系有好多嘢食，例如鲍鱼喇，花胶喇，生蚝喇，大虾沙律，真系好好味，不过男仔去食可能抵d，毕竟都唔平，5星酒店自助餐我都系第一次去，其实佢都唔喺攒钱嘅，一般喺招待果度入住嘅房客，最特别喺果度有个清清嘅水池仔，然后有人演奏嘅，一边听住咁优美嘅乐声，一边食住好味嘅大餐，人生最高境界。…查看更多