cjzy的个人专页

江南西呢间川味香辣坊系地铁上盖，交通都好方便。晚黑去好多时都要等位，酸菜鱼d鱼好滑，加上距d汤嘅油唔会好浊可以饮添。如果两个人去，点一个酸菜鱼，一个北川凉粉，都可以食到好饱了！仲有距果度嘅八宝茶，都几有特色架！…查看更多

天成嘅酸菜鱼好出名，分店都好多！我地公司就系附近，所以好多时中午都会过去！距哋d鱼真係好滑，而且d酸菜头好爽，好入味！最中意係距d鱼係一条嘅，连鱼鳔都有埋，哈。。。拍青瓜好清爽，不过就唔系好入味！跳水田鸡d料都好多，d田鸡係成只嘅，所以一盘唔系太多只田鸡！…查看更多

呢间嘢d鱼生都好出名，好多人都系去食鱼生。因为我地公司就系附近，所以好多时都会系呢间嘢度食饭！价钱虽然偏高，但系d味道同出品都保持一定嘅水准！菜式品种都好多样选择！呵呵。。。不过我地最中意距嘅金沙汤丸，好有特色，每次去都必点架！…查看更多

第一次同朋友去呢间野系开车过去嘅，停车都几方便！第一次见到装修咁雅致嘅湘菜馆，环境真係唔错！果日中午去见到来呢度食嘢嘅多数都係白领，应该係附近上班嘅人居多！d菜嘅卖相都ok嘅，罗咗个剁椒鱼头，d汁用来捞面，真係好辣好辣，但係好有风味，食得辣嘅一定要试下！南瓜粥好清香，好好味！…查看更多

我试咗距哋嘅招牌：台塑牛排！真系吓咗一跳，好大旧啊，哈哈。。。虽然我好大食，但系到最后都食唔晒啊！呢个系全熟嘅牛排（系距嘅特色来架），虽然我觉得老咗少少啦，但系都可以接受嘅！甜品我就点咗个芒果慕斯，哇。。好酸酸啊，不过食完扒之后再整啖，果种感觉都几过瘾架！热玫瑰奶茶好香玫瑰味，d奶茶亦都好滑。…查看更多

呢间味然香系公司附近，所以好多时中午都会去！好中意食d牛肉丸同鱼蛋，真系好爽，好够味！最主要个汤底够正！而我每次都中意点牛肉丸或鱼蛋米粉，然后再加一份酸辣，几样野加埋，d味道真系好好好味啊！连汤都饮埋，一d都唔浪费！不过宜家味然香都一直系度升价了…查看更多

惠福路店我几年前已经成日去帮衬架了！酸辣虾汤d虾好大只好新鲜！仲有墨鱼卷都好爽，好好味，不过分量就好真系太少了！仲有时蔬炒鸡柳，如果中意食菜又想食肉嘅，不妨试下，真系好好味！仲有咖喱海鲜煲，都系正嘢来架！咖喱送饭，真系一流！…查看更多

光明广场店同惠福路店都好多人，以前6点几去都唔使等位，但系最近发觉6点开始就已经要等位了，可能系因为放暑假嘅原因挂！如果唔早d去罗定位，等食就有排了！我最中意酸辣虾汤，每次去都必点！仲有时蔬炒鸡柳都好正！上次试咗个咖喱牛腩，点法包食，味道都唔错啊！…查看更多

太平沙牛腩出名好味，而太平沙呢间总店开咗好多年了！记得细个果时，太平沙间铺好残好旧，门口放住嘅仲系果种长形嘅板凳，但系果时已经好多人帮衬了，次次去到都要排队！但系细个果时真系好平架，呵呵。。。同宜家嘅价钱争好远！d辣椒酱真系好劲，好惹味！中意食辣嘅人不妨试下…查看更多

呢间嘢离北京路稍远少少，不过每次去都要提前订位，如果你中午或者下午先打电话去订位，通常都订唔到了！晚黑嘅话，你可以打电话去罗个排队号，到你嘅时候会有服务员打电话俾你！呢度嘅脆皮猪手好好味，三五知己可以试一试！沙拉猪扒酸酸甜甜，一d都唔觉得肥，不过食多就有少少漏。。。…查看更多

北京路银座呢间必胜客，可能位置系步行街入边，所以基本上都好多人！我就最中意浓情香鸡翼，每次去都一定点！宜家必胜客有下午茶餐同夜茶餐，真系啱晒我呢d行完街，又唔想食太饱，净系想抖抖嘅人了，饮品可以免费续杯或者半价续杯！…查看更多

呵呵。。每次去我都必点浓香猪肉包、牛百叶、酸甜鸭掌、海草！食包包我最中意加d醋落去，混合咗d汤汁真係好好味！小米粥我觉得淡，但系我老公就最钟意了，话就系钟意距淡喔不过个粥价钱够晒平，先1蚊一碗！不过果个位置坐车就无咁方便，落咗车要行5-10分钟左右啦！…查看更多

呢间嘢位置几好，就系恒宝广场同大笪地对面！如果你行街行攰咗，都可以饮餐茶或者食餐饭！距系茶市同饭市一齐嘅！周一到周五，每日都有特价点心一款。另外乳鸽全天特价，先8个几半只，都几抵食！不过如果天气太热，我就觉得d空调好似唔系好够！如果你怕热，最好搵个空调劲d嘅位置了…查看更多

骏豪海鲜酒家位置就系北京路口，我个人觉得呢间嘢唔系太显眼，可能系楼上嘅原因啦！不过呢间嘢都几抵，每个茶位可以点半只嘅特价乳鸽，先4蚊几。上次去食饭点咗个“西兰花虾球”，呢个值得推荐啊！d虾好新鲜，仲有炒得好滑嘅蛋白，好多西兰花。先4十几蚊！…查看更多

系北京路地铁公园前站上面，有间食川菜嘅饭馆-巴蜀轩！好多年前已经开咗了，我记得最早嘅时候，我每次去都必点“汽锅鸡”，酸酸辣辣嘅汤，滑滑嘅鸡肉，真系好好味，次次d汤都俾我饮晒。仲有好香甜嘅桂花糕。但系可惜宜家呢两样都无了！但系距每日嘅特价菜都值得一试，每款都系十几蚊起，如果三两知己去食，100蚊都唔使就可以埋单了！好实惠…查看更多