小秘書食記's Profile

嚟得深圳，又點可以唔食個 #潮汕牛肉火鍋 先返香港😆 呢日食過中午飯，我哋就去咗做個「拉伸療程」 🧘🏻‍♀️ 之後坐抵☕️飲杯嘢... 原來時候都唔早🤪 我哋四圍行咗個圈，又係時候去攞位食晚飯！我哋誤打誤撞嚟到位於📍#中航城君尚 嘅一間 #潮汕牛肉店 「潮發」，單係見到門口成棚「小鮮肉」為面前一堆鮮牛精心打做，已經夠吸晴👀 #小秘書 同朋友仔就襯人潮未到，率先幫大家試吓呢間人氣店嘅出色之處😙佢哋嘅套餐價錢，似乎比其他傳統火鍋老店經濟，三個人叫個四人餐，每人$100都唔使，單睇價錢已經非常吸引😚 套餐入邊有四款 #牛肉（#肥牛、#三花趾、#吊龍、#匙仁肉），加埋 #牛腩，夠晒睇頭👀 唔知係心理作用定係點，大家喺國內打邊爐都零舍開胃，配埋 #新鮮嘅牛肉 放入 #牛肉清湯 一齊煮，加埋自家製 #沙嗲醬，真係食到唔等得口🤪 不過估唔到成晚最令我驚喜嘅竟然係佢哋嘅 #手打鮮牛肉丸 🐮 牛味濃郁之餘仲非常彈牙，可惜生肉唔可以過境，唯有下次帶埋兩老👵🏻👴🏻到現場體驗吓啦😆整間餐廳嘅設計都幾特別，牆上嘅壁畫介紹到每件牛肉嘅生產地同飼養過程，門口仲擺咗個大鐘，話俾啲食客聽幾時有鮮肉到店🤤 而最令我佩服嘅係佢哋嘅服務承諾（1分40秒內員工要將鍋底送到、仲規定2分20秒內上晒所有食物...），雖然我都係埋單嘅時候，先留意到單上嘅「潮發承諾」，的確係有啲苛刻，就係咁... 港人先咁鍾意返大陸咋嘛🤪📍潮發潮汕牛肉店 (🚇一號線華強路站)中航路1号中航城君尚L3層L335号鋪…Read More

呢排天氣陰晴不定⛅️ 出門嘅時候天文台已經發出黃雨預警⛈️ 不過一諗到同朋友仔唔知幾時再夾到時間😅 都唔諗得太多，一於照衝關💨💨 展開我哋10小時深圳之旅🚇好彩個天對我哋都不薄，由地鐵站沿路行到商場，雨勢都唔算太大，好快就搵到我哋嘅目的地「北村韓食」。餐廳以 #活燒日鰻 做主打，吸引到唔少港人嚟幫襯！餐廳未夠11:15已經坐滿人客，好在我哋做足功課，預早10分鐘等餐廳開門，成功地做到「頭圍用膳」😆餐廳嘅服務十分貼心，一坐低已經有服務員主動過嚟為我哋安排❤️‍🔥 我哋經 #社交平台 點餐，食物唔夠10分鐘已經逐一嚟到我哋面前，睇到都口水流🤤 我哋嘅套餐除咗有主打嘅 #日鰻，服務員會先為我哋送上一碗暖暖嘅 #南瓜粥 同埋 #鰻魚湯，不過湯煮嘅鰻魚肉對我嚟講就有啲「腥」... 就當試吓新口味🤪 烤物仲有 #牛肋條、#肥牛、#五花肉，坦白講樣樣都算唔錯，尤其係佢哋厚切嘅 #鰻魚，服務員喺鰻魚搽上特製嘅燒汁，鰻魚肉感得嚟肉質仲好爽彈，係 #小秘書必食之選！聽講餐廳嘅白飯都係免費嘅，若然食晒成個套餐都唔夠飽，記住叫服務員攞多幾碗「靚仔」俾你呀😆📍北村韓食 (🚇一號線華強路站)中航路1号中航城君尚L4層L423号鋪…Read More

開咗兩個幾鐘頭車🚘 終於嚟到我哋嘅目的地「#珠海白藤頭水產批發市場」。呢度嘅 #海鮮 🐟🦐🦀 選擇非常豐富，比我哋幫襯開嘅「#蛇口市場」更有規模，不過價錢似乎就無想像中咁吸引😅 好彩附近一間海鮮酒家「#富利港」嘅 #海鮮加工費 夠晒平，就當打個和啦😉話晒咁遠嚟到，又點可以刻薄自己🤭 一於嚟兩隻象拔蚌做 #刺身... #象拔蚌 肉質爽口，#陳皮蒸鮑魚 入口軟糯、#薑蔥炒蟹 都做得好有鑊氣！菜單上仲有 #豉油王羅氏蝦、#鹽焗花螺、#豉汁蒸蟠龍鱔、#螄蚶、油鹽煮大蜆... 樣樣味道都做得唔錯😉 呢度除咗可以 #買海鮮 上嚟加工，唔夠食嘅仲可以嗌啲小炒用嚟加餸😅 佢哋嘅 #燒鵝、#炒米粉 同 #臘味煲仔飯 同樣做得好有特式，不枉我哋山長水又遠嚟朝聖呀！不過香港同大陸口味始終有異，大家出發前先唔好抱太大期望，就當比自己一個機會睇吓呢個世界啦🤩…Read More

#深圳探店 #深圳美食篇聞名已久嘅《壽司処•小志》趁住復活節長假，終於有機會試到🤤 我哋喺開店前10分鐘到達，剛好仲有兩個位😉餐廳以小木屋造型為題，餐枱以U型排開，餐廳地方唔係太大，所以如果我哋遲到嘅話，就要等下一輪。呢日我哋冇叫到套餐，隨着電子餐牌上的節奏，見到鍾意嘅食物就落單😎 師傅按照我哋嘅喜愛，先準備好材料，再逐件逐件地為我哋安排，非常有儀式感❤️#壽司飯 上嘅 #刺身 質素都唔錯，不過我就比較喜歡佢哋嘅 #拖羅 同 #鵝肝，肥美嘅吞拿魚，充滿魚油香，一啖一口，非常治癒🤤 加埋微微燒香嘅鵝肝，好有口感！我哋一邊食一邊欣賞師傅用心啲製作，就好似望住每件藝術作品誕生一樣，成餐飯都食得好relax！好自在！！壽司処•小志（深業上城店）📍深圳福田區皇崗路5001號深業上城小鎮L3層（🚇地鐵10號線冬瓜嶺站出入口步行610m）…Read More

呢日膽粗粗帶埋 #兩老👵🏻👴🏻 同屋企人開車🚘嚟到 #蓮塘口岸，一行六人嚟個 #深圳 半天遊☺️ 由關口搭滴滴🚖到商場，幾乎要40分鐘時間，長途跋涉就係為咗一嘗「陶陶居酒家」嘅美食🤪雖然我哋已經預早喺網站排隊，不過嚟到一樣要等😅 一向 #小秘書 都對國內食店嘅 #服務態度 同 #環境舒適度 有讚冇彈😎 估唔到呢間有「米芝蓮評鑑」嘅餐廳，居然令我大失所望😅 「陶陶居酒家 - 龙华壹方天地店」嘅環境擠迫度，竟然可以媲美香港屋村酒樓😅 服務員安排我哋坐喺一張小圓枱，但係枱板就有2/5位置靠近屏風，而旁邊咁啱就係茶水間，服務員喺我哋旁邊沖茶、倒水，熙來攘往… 非常騷擾！最搞笑係我哋要求要多一壺熱茶，服務員非常敷衍咁話「我哋餐廳無咁多茶壺，如果你哋想飲鐵觀音☕️，唯有拎走壺菊普☕️嚟交換！」😅 除此之外，我仲見到佢哋將人客用過嘅茶壺，換走個茶包沖沖熱水就直接俾第二枱人客… 好唔衛生啫😅😅至於食物方面，味道都算唔錯🤤 我哋試咗佢哋馳名嘅 #百年燒鵝，食落口感唔會太肥，配合埋特有嘅醬汁，真係幾滋味，不過鵝身就冇乜修飾，對於唔識嘍骨嘅我，真係有啲唔方便😅 另一個名菜 #冰鎮咕嚕肉，外貌係幾特別嘅，炸好嘅排骨放喺冰粒上面，味道酸酸甜甜咁，啱晒小朋友嘅口味😉 之後我哋又叫咗 #一口酥豆腐、#蒜蓉粉絲蒸蝦，仲有 #乾炒牛河 … 口味正常，但就唔見得有太大特色！反而佢哋個 #海鮮紅米腸 就有啲驚喜，餡料豐富之餘，包功了得，咬落去都幾鬆化，唔會有死實實嘅感覺，值得一試🤤 最後我哋要咗一份 #手工蘋果金柚包，做功非常細緻，外貌就似一個迷你蘋果，食落去會有啲柚子汁咇出嚟，啱晒鍾意打卡嘅我😎 整體食物質素都尚算可以，但係服務質素就完全失控，而且價錢完全拍得住香港😅 我搵唔到理由，會喺短時間內再返嚟囉🤫📍 陶陶居酒家(龙华壹方天地店) 深圳龙华大道壹方天地C区4层019号…Read More

呢日我哋搭直通巴🚌嚟到 #蛇口，遊客異常多，我哋喺關口等咗15分鐘，call車司機終於到達，去「韜記」食過 #海鮮，再去埋 #遊戲室，眨吓眼又到晚飯時間🤪 我哋嚟到 #万象前海购物中心 搵食🍽️#南山區 始終比 #福田 一帶清靜，地舖餐廳嘅空間感都比較多，感覺都幾舒服🌱 不過今次我哋人數比較多，似乎食中菜會比較合適，不過撞正係用餐時間，想搵張枱都唔容易😚 誤打誤撞我哋嚟到2樓一間 #客家菜館 「客語客家菜」，聽講食物都唔錯，仲可以即時安排到房間比我哋🍽️一於試吓佢😉第一次嚟幫襯，只好參考網上推介嚟點菜😚 由大門口去到我哋嘅房間，幾乎每一枱客人都有點 #古法手撕鹽焗雞、#客家釀豆腐 … 我哋當然照跟啦😉 熱辣辣嘅 #鹽焗雞，一打開煲蓋已經聞到鹹鮮嘅香氣，雞肉連皮食入口都唔會太肥膩，肉質仲幾鮮嫩，值得一試😚 至於其他 #小菜，味道都唔錯🤤 如果鍾意飲湯嘅，可以試吓佢哋個 #土豬湯，只係$18一盅但係用料十足，慳慳地加個白飯就夠一餐😚 唯一美中不足係佢哋嘅 #煲仔飯 一早賣晒，而 #汽水 仲要得室溫嘅😅 有啲煞風景🤪不過餐廳整體都唔錯，上菜嘅速度簡直可以媲美香港😉 大家有機會過開嚟都可以試吓🤤🤤🤤 📍 「客語客家菜」南山街道桂湾四路169号万象前海购物中心L245（桂湾站A出口）…Read More

講咗好耐要試嘅「大鴿飯」呢日終於圓夢！其實我對 #乳鴿 冇特別喜好，不過見每次路過都人山人海，好想親自試吓佢哋嘅手勢究竟有幾好😉 我哋準時17:00入系統攞飛，仲諗住好快就有得食，點知一等就等咗70分鐘… 原來大家都鍾意咁早食飯嘅咩？不過國內嘅餐廳通常都幾sweet嘅，佢哋話見我哋等咗咁耐，特別送咗隻 #滷水乳鴿 俾我哋🍻 嚟得幫襯，當然要點佢哋馳名嘅 #黑松露大鴿飯 同埋 #紅燒乳鴿 啦！另外我哋仲加咗幾個小菜，一於吃個飽🤤#滷水乳鴿、#紅燒乳鴿 各有特色，鮮嫩嘅鴿肉充滿肉汁，味道認真唔錯🤤 不過我就比較鍾意紅燒嘅烹調做法，夠晒香口🤤#黑松露大鴿飯 #小秘書 真心唔覺得特別好食😅 而且油膩感都幾重吓😅 不過勝在成煲熱辣辣，喺咁凍嘅天氣爬碗飯落肚，又真係幾窩心嘅❤️#石鍋蟹黃豆腐 滑嘟嘟嘅口感，配埋啲蟹黃入口，惹味得嚟配埋白飯🍚認真一流🤤#海鮮蠔仔烙 出加地好味🤤 肥嘟嘟嘅蠔肉，襯埋脆脆嘅蛋皮，比傳統嘅 #蠔餅 更特色#紅蔥頭焗排骨 加埋燒香咗嘅 #蒜子 同 #洋蔥 非常下飯，香甜口味嘅排骨一啖一口，充滿口感🤤#菜心遠炒鴿什 味道同外貌都冇乜特別，不過如果喜歡食🐽豬油炒菜嘅你，一定要試😉整體餐廳嘅食物操控同服務都做得唔錯❤️ 不過途中服務員無啦啦走埋嚟，用唔鹹唔淡嘅廣東話同我哋講剛才落錯單，舊紀錄已經刪除，要求我哋重新付款😅 本身都唔係咩大不了嘅事，但係我哋就聽咗幾轉先知佢想點😅 而且講到落單後過咗30分鐘都未上晒菜，就會免費… 怪不得個黑松露大鴿飯上咗枱仲要等多十幾廿分鐘先有得食啦😆📍大鸽饭（福田Coco Park店）福华三路268号福田星河COCOPark商场三楼L3-021号商铺…Read More

講咗好耐嘅 #蛇口 #海鮮餐 🐟 呢個假期終於成行❤️ 我哋一行八人浩浩蕩蕩嚟到深圳灣，再轉 #滴滴 好快就到達我哋嘅目的地 #蛇口市場 🤘🏻 第一站就梗係先去揀 #海鮮 啦👀 跳跳紮嘅 #海蝦、#東星斑，即叫即開嘅 #台山蠔，啖啖肉嘅 #蟶子，#鹽焗花螺 … 諗起都口水流🤤 好彩呢日我哋有 #壯丁 s 💪🏻幫手，將大包細包嘅海鮮🦐🦀一併拎到附近嘅人氣店「韜記」加工💫 清蒸、豉椒炒… 總之講得出嘅烹調方式都做到😁假日 #北上 嘅人流特別多，幸好 #查理肥 預早幫我哋訂咗位，唔係我哋一定有排等啫☺️ 坐抵無幾耐，#蒜蓉粉絲蒸扇貝 率先嚟到我哋面前，濃濃嘅蒜香味道，同 #扇貝 配合得非常好🤤 不過 #薑蔥炒紅蟹 當然更吸引啦，肉質結實又夠晒鮮甜，夾埋啲薑蔥一齊入口就寧舍惹味😁😁 整體嚟講師傅嘅手勢都唔錯，火喉控制得宜之餘，味道亦好接近香港海鮮酒家！而最重要嘅係價錢夠晒貼地，絕對值得大家去試試🤭最後我哋哋仲喺 社交平台 點埋 CHAGEE MY 霸王茶姬 特飲，免得喺香港排三粒鐘先有得飲🤭 哈 呢餐實在係太滿足喇🤤🤤🤤📍#韜記餐飲海鮮酒樓 - 蛇口街道漁村路68號德隆廣場2樓8號…Read More

#深圳探店自疫情完結通關之後，#小秘書 都有好幾次跟過唔同嘅朋友圈 #北上👀 由起初嘅 #喜出望外，慢慢已經覺得 #不外如是 😅 頻頻撲撲就為咗食平啲啲，對我嚟講真係有啲無謂😅😅 不過間唔中總有朋友仔搵埋我做腳😏 我份人一向咁nice… 當然樂意奉陪啦😉經同事介紹，我哋今日嚟到 #潮汕大目牛肉火鍋。嚟得幫襯，當然係為咗嚟食牛啦😊 #金田店 就喺 #福民站D出口 對出，地點非常方便！為咗唔想等位，我哋未夠11:30已經到達，成功成為餐廳第一枱客人✌🏻 我哋通過 #大眾點評 買咗個二人套餐，食物都以牛肉為主，#麻辣鴛鴦鍋底 配 #吊龍（黃肥牛）、#手打牛丸，仲有 #黑牛柏葉、#熟牛腩、#皇帝菜、#響鈴、#蓮藕片、#生河粉，睇起嚟都好豐富👀 #牛肉 肉味都幾濃，而且份量都唔少㗎！碟上面擺咗個大大個 #蕃茄 🍅，雖然我唔太清楚佢嘅用途😅 不過放埋落湯底增加維他命C，應該都係一個唔錯嘅選擇🤤 馳名嘅手打牛丸名不虛傳，咬落有肉汁，而且好爽彈，加追嘅話都係$10.8就有四粒，非常抵食🤤 另外最令我欣賞嘅係佢哋嘅皇帝菜，非常有菜味，喺香港真係好難搵到呢個質素😅 整體食物都算新鮮，不過最敗筆嘅係員工都係目口目面，問一句答一句嗰隻😅 加上佢哋個 #麻辣湯底，唔夠辣之餘，亦都冇麻辣湯嘅獨有香味😅 睇嚟下次都係叫個沙嗲湯底穩陣啲喇🤣🤣 📍 潮汕大目牛肉火鍋（金田店）金田路1013號銀莊大廈一樓（深圳地鐵🚇福民站D出口）…Read More

一向唔敢喺大陸食 #魚生刺身 🐟嘅我，今日膽粗粗跟埋班朋友 #北上 初嘗 #Omakase 🍣 餐廳「十貫」舖面唔算太大，即使預早去攞位，都好可能要等上90分鐘以上😅 不過為咗試新嘢，梗係要付出少少啦🤭今日我哋揀咗「海膽熱狗Omakase」套餐，先上枱嘅係 #車海老佐魚子醬醋凍、#機煮鮑魚配肝醬 兩道開胃菜，#醋凍 酸酸地好醒胃🤤 之後再嚟嘅有 #黑松露茶碗蒸，同埋 #吞拿魚、#鮑魚、#帶子 刺身 配 #鵝肝蓉，軟綿綿嘅鵝肝蓉入口就好似食緊啲咸味雪糕咁，口感好特別🤤 可惜佢哋嘅吞拿魚肉嘅顏色似乎唔多吸引，無咗刺身魚應有嘅光澤，不過入口都還可以嘅🤤之後七道 #壽司，除咗 #魷魚刺身，都係以白色魚生刺身為主… 品質只可以話不過不失，冇特別驚喜😅 而成餐最吸晴當然係主角 #海膽熱狗壽司 啦🤩 師傅建議我哋一啖擺晒入口，豐富嘅海膽入口即溶，感覺特別爽🤤 最後上枱嘅有 #凍稻庭烏冬、#蜜瓜雪芭，冰冰涼涼嘅口感，加上師傅特別送俾我哋嘅 #山竹雪糕球，未入口都已經夠晒甜啦🤭🤭整體我覺得佢哋嘅服務都唔錯，但係同正宗#Omakase 嘅精緻度、品質以及安排就真係爭咁啲🤤 不過以呢個價錢嘅講，都係一個唔錯嘅體驗😉📍 十貫SUSHI JYUKAN（深圳）福田福華三路118號皇庭購物廣場L2層19號商舖（深圳地鐵 會展中心站上蓋）…Read More

做咗成朝 #文青，終於可以唞一唞😉 誤打誤撞，我哋嚟到 #下沙地鐵站 上蓋 📍KKONE mall。成朝無食過嘢嘅我，嚟到下晝3點已經無晒電😅 難得唔使等位，就嚟試吓 #小朋友街坊 都讚好嘅 #費大廚😆餐廳嘅裝飾俾我想像中精緻，我哋揀咗窗邊位置，感覺都幾舒服。餓到肚打鼓嘅我，急不及待打開餐牌搵嘢食😅 嚟得幫襯 #費大廚，梗係要試吓佢哋嘅招牌菜 #辣椒炒肉，另外我哋加咗個 #砂鍋粉絲煲。辣椒炒肉真係幾惹味，但係就有啲油膩🫠 不過鍾意食辣嘅一定要試🤤 我要同大家捱介嘅係佢哋嘅粉絲煲，雖然材料好簡單，只有 #粉絲、#辣椒 同 #蒜頭，不過加埋海鮮醬做調味，再放入熱辣辣嘅沙窩裡面，簡單嘅食材，原來都可以變成上菜🤤另外佢哋嘅 #即磨豆漿 夠晒豆味，用嚟解辣真係一個唔錯嘅選擇，可惜當時餐廳只得返一碗嘅存貨，唯有自私飲… 益吓我呢個 #壽星女 啦😉📍 費大廚辣椒炒肉（KKONE Mall 深圳地鐵9號線下沙地鐵站上蓋）…Read More

每到假日晚飯嘅時候，深圳旺區裡面嘅食店都會大排長龍🤪 所以 #小秘書 會建議大家一到17:30就要暫時放低一切… 準備排隊搵食🤪 不過呢次我哋嘅行程實在太豐富，11:30先食咗個早飯、去到 #南頭古城 已經差不多兩點🤪 原身book咗15:15去做 #頭療 嘅我哋，唯有快閃古城… 但已經比預約嘅時間遲咗大半個鐘到🤪 再加上其中兩位團友見對面舖有拉筋療程… 最終我哋就搞到七點幾先去食飯🤪有北上習慣嘅大家，都知道呢個係超級繁忙時段，起碼都要等粒幾兩個鐘先可能搵到位😅 唔信邪嘅我哋… 就由Coco park頂樓行到落地面🤪 餐廳唔係排滿人龍，就係菜式唔啱食👉🏻👈🏻 好在朋友仔醒起B1樓有間西餐廳質素都唔錯！為咗爭取時間，一於去試吓！餐廳 #gaga 就位於廣場寶馬店對面，外觀睇嚟都幾有格調👀 而且價錢又夠大眾化！佢哋嘅食物都以健康為主，朋友仔話對上一次食過嘅 #三文魚牛油果藜麥 念念不忘，而我就睇中咗個 #招牌焗豬扒飯，仲喺 #大众点评 搵到張coupon免費換 #薯條… 咁就掂晒啦🤩 食物嘅味道令人喜出望外，我點嘅 #焗豬扒飯 熱辣辣，豬扒肉質鬆化，配上各式各樣嘅蔬菜同蕃茄汁鋪喺飯面上，入口份外滋味🤤 而免費換領嘅薯條，一啲都唔馬虎，沾上餐廳特製嘅蜜糖芥末醬… 連平時對薯條冇興趣嘅我，都食完一條一條☺️ 不過成晚唯一美中不足嘅係服務員嘅態度，尤其係負責收錢嗰位小姐，全程表現得非常不耐煩… 深圳實在難得一見😏📍 gaga 鲜语 - 深圳市福田区福华三路269号深圳福田星河COCO Park一期B1-J01A号(广场宝马店对面)…Read More