好少特登搵客家菜食 咁啱有個朋友帶我去食，原來都幾惹味😻客家秘製窑雞佢用過瓦煲上整到好入味，仲要幫你拆埋肉好細心呀！ 今次叫咗半隻雞兩個人食🥲份量有啲少 不過隻雞係整得幾特別嘅香口味道👅臘味蒸年糕呢個好特別一開始以為係蒸飯🤣🤣點知原來係圓柱體嗰隻年糕 就咁食好似冇咩味但夾咗臘味一齊食就好彈牙好入到味🥰就咁食臘味我都唔拘㗎 不過驚你哋會有啲鹹海蜇頭撈涼皮呢個睇落去好紅油 其實都真係有啲辣㗎🤣🤣夾晒啲辣椒出嚟慢慢食我都噴噴地火佢啲涼皮好爽口 好似變咗條狀嘅腸粉😆仲要佢啲海蜇頭好特別 唔係一條條好爽口嘅 而係好似牛柏葉咁但脆到好似啲雞軟骨咁💓食落口感超搞笑 索索聲！蒸河源米粉個米粉好香呀同啲冬菇肉碎一齊蒸 仲要佢隻米粉係好幼身超鍾意呢隻🥰btw太興隻早餐米粉都係呢隻粉（食開有條路🤣🤣銀耳秋梨湯呢個夏天飲一流 仲可以滋潤下補吓暑潤吓喉😄佢呢個係一盅細細盅嘅 但佢入面啲料都幾多下～～胭脂石榴冰粉幾特別都係好啱夏天食嘅 仲要佢有啲黑糖汁好好味 啲冰粉都好滑溜 Gu一聲就已經落咗肚佢加咗個石榴片🤣🤣好搞笑影落去都幾搶眼呢個喺社交平台度打卡佢送㗎👍🏻黎到唔算多人 但食完好戥佢唔抵點解冇咩人😖但其實幾好食！仲要佢個環境幾有客家feel 我幾中意🫶🏼…查看更多
