┌魚～à◎的个人专页

2個人食飯都唔敢點太多嘢，就點咗2樣嘢——炒年糕同八腳魚火鍋。一開始坐落就上咗4個前菜，味道都算中規中矩喇。炒年糕，我個人覺得味道一般，不如天河城金剛苑嘅好食，而且雜菜比較多，味道辣而偏甜。八脚鱼火鍋一攞上嚟以為超足料，但係原嚟下面都係粉，俾佢嘅外表呃咗我添啊！可能食過炒年糕再食佢，我覺得佢冇咩辣味，不過我F話d湯都算幾甜。火鍋里面有唔知叫咩名嘅菜（原諒我嘅孤陋寡聞喇）蘿蔔、八腳魚、貝殼類、蝦、、牛肉、粉。牛肉可能係煮耐咗喇，感覺好老，好難咬，其他都OK。服務員都幾勤力，見冇茶唔洗叫都會自動過嚟，而且都好nice下，可以講下笑咁。但係價格我覺得有小小偏高，如果可以再便d就好喇！！！…查看更多

上次同個F食完晚飯再去食，人仲唔係好多下，不過我覺得佰搭果一直如此。我F點咗杯西瓜汁，一d都唔覺得得凍囉，而且可能西瓜嘅問題一d味道都冇囉！！！我自己就點咗芒果椰汁雪蛤撈（如果冇記錯名），味道都唔錯，都值得大家去試一試。…查看更多

上次5點半左右去到，仲未洗等位，不過坐落冇幾耐就滿客喇。2個人一坐落佢就俾咗4個免費嘅前菜小食，但係居然冇最有名嘅泡菜同醃黃蘿蔔，我就覺得好奇怪囉！！點菜就點咗烤肥牛、五花肉仲有泡菜湯同泡菜炒年糕。講起d烤肉就火都嚟啊，人哋遲過我哋嚟食嘅都已經係度烤緊，我哋都未上，咁就揾人去催下喇，揾咗幾個服務員都冇用架，人哋張臺都已經食咗3輪喇，我都準備揾人嚟埋單喇，個部長先攞d肉過嚟，咩都食飽喇，唯有死死地氣攞d肉去打包。泡菜湯細細一碗咁，而且我覺得好一般囉。泡菜炒年糕就更加唔掂，炒嘅好似刀削面果d面咁，d泡菜就更加唔係泡菜，好似攞d唔知咩醬就搞一搞就攞嚟炒咁。而且價格唔便，味道又唔多好，服務就更加無話可說，去過一次我諗我都唔會再去！！！…查看更多