傻蚊的个人专页

呢间店仔系正恒宝广场到，地铁一号线长寿路站。店仔细细，入到里面，环境一般，不过都算干净。点佐份三杯鸡和官材板，加一份肉骨茶。三杯鸡嘅味几好，最中意份官材板，好好味，外脆内软，正~! 份肉骨茶就争D，可能因为屋企家族系马来西亚嘅，同原味嘅对比之下，味唔够，香唔够。不过，总体黎讲，出品几好，值得一赞~…查看更多

听讲话系以前清平饭店嘅师父开嘅店，之前又系报纸睇过介绍，话呢到嘅一心鸡唔错。咁~中意食鸡嘅我咪黎试下咯，间店仔唔算难找，但因为系巷仔，好易行过咗都唔知。店仔细细间，但好多人帮衬，出品嘅鸡真系唔错，同以前清平饭店嘅一样，好好味~!! 虽然环境唔多好，有D似大排档，不过D出品几好，D小炒几够火候，正~!…查看更多

同事介绍，话呢间店唔错。就同佐成班F黎帮衬喇，里面嘅环境一般喇，不过，胜在呢度有个特色，就系用碳炉打煲，依家已经好少见喇。虽然从来唔食狗肉，就点佐羊靴和羊腩，外加一份萝卜，好好味，好入味，好值得去食。讲讲下，又想去食添，呵呵~!…查看更多

朋友生日拣佐黎呢间店食饭，第一次黎，不过感觉几好，可能因为中意食泰国菜和越南菜喇。环境几舒服，而且D服务态度好好。出品都好好，中意食佢嘅虾酱炒通菜，不过味道稍为咸佐少少，个咖喱虾都好好味，最中意食嘅应该话系个炸豆腐，睇落好似煎萝卜糕，好香好好味，加埋辣椒仲正~~…查看更多

之前，因为听个F讲，话HK嘅饮食评论家韬哥都专程去帮衬过，话D出品都几正。咪一于成班F开车去试下咯。点知真系好失望。论环境，又唔算好差嘅，同一般嘅农庄差唔多。空气几清新添。不过，D餐具就真系有D吓人了，感觉好唔干净。而且，D出品嘅味就真系麻麻了。讲真，明星效应真系唔多可信。唉~算喇，山长水远去食餐咁嘅野，当短线游喇，唯有~…查看更多

以前细个果时同阿爸，妈子去过食饭，感觉几好，D野食几好味。不过，呢个都只系印象中嘅事咯，系佢装修前嘅事咯，事隔都好多年喇。前排，和同事到中六力美健健完身，话去呢间店食饭，咪去咯。都算系佢装修后，我第一次去喇。环境唔错，坐得都算几舒服，D野食几好，除咗饭市，仲有茶饮添。啉返起以前细个，对比起附近以前果间五羊酒楼等老字号酒楼一间间结业，呢间老字号算唔错喇。真系值得一赞啊。…查看更多

呢间店已经唔系第一次帮衬，从去年开始，我就已经系常客了。因为系呢度，消费价格比较大众化，而且~味道都算唔错，寿司用料都几新鲜嘎~~值得一赞！！我个人就几欣赏佢的烧全鱿，好像系呢个名吧？唔多记得了~呵呵~只系记得如果有会员卡嘅话，就可以用19元点一份。呢到仲有一个值得一赞嘅系，如果唔多中意食生野嘅朋友，系呢到都可以有好多其它选择。上个月初，我同班F又去呢间店食咗一餐，埋单嘅时候，送咗我一些优惠券，有效期到2011年1月15日的，话咩只要凭优惠券消费串烧大拼盘，就送一壶清酒，OH~YEAR! 唔错嘛~睇来，这个星期再约班F去多次先得，嘻嘻~~…查看更多