蕉蕉既世界的个人专页

西堤牛排 (TASTY)是王品集团旗下八大品牌之一，系以牛排出名噶！当然价钱都五便噶，不过可以食到好出品都系值得既！ 我睇过餐牌，有份78蚊、128蚊同158蚊既套餐或者散点，不过当然套餐比较抵啦，我食既就系128蚊既套餐，提醒大家既系78蚊套餐要星期一到五中午先有既！ 一开始系餐包，好软熟好香，每人仲有一碗蘑菇蓉汤，可以挪来点餐包，不过包五够点，直接当汤饮！蘑菇好爽口，汤好香好浓！ 鲜果沙律，一般既西餐厅都会用沙律酱拌，但系西堤系用yoga浆，好香百香果味，大家对呢个酱都赞不绝口，尤其点瓜类既水果更加可以相互激发彼此既鲜甜味！汤既部分我要左法式蜗牛浓汤，汤上面有条好似油条之类既五知系咩，但系配合浓汤既味道好好，蜗牛好弹牙！ 主食系250g的牛排，真系好大一旧肉，个个女仔见到都O晒嘴，一开始未上黑椒酱既时候，我就试左吓距既原味，有D失望，因为好似娘亲屋企挪来煲过汤既肉，其实味道过得去，但系对于以呢个菜为招牌既味道来讲，真系好失望！后来加左黑椒汁会好D，不过呢度既牛扒系无得客人点话几成熟，系全熟上既！ 呢个时候，餐中饮料百香雪酪来啦，真系救星到啊，虽然细细杯，但系好好饮，而且助消化！最最最重要既系可以免费续杯噶！甜品我要覆盆子波士顿派，因为之前系某甜品点都食过类似既蛋糕，好好食，所以今次来都依然试呢个，但系依然失望，虽然造型好靓，但系第一啖入口，好酸啊，平时我食蛋糕，D摆件朱古力我都唔食既，今次要加埋D朱古力先入得口，尤其我最怕食酸野！饮料我要左椰香蜜豆之恋，味道五特别，不过好好饮，就系比较似红豆椰汁冰罗！…查看更多

经常去万达睇戏，见到有呢度沙河粉村既团购，9.8蚊有一碗双丸粉同一碗绿豆沙，果断出手！呢度既粉真系好有细个时食既粉既味道，系真系用米磨成既，虽然唔似出面D粉甘滑咁依韧，但系觉得好好食好健康！双丸就系牛肉丸同鱼丸，好大粒，好弹牙，不过有D咸！碗绿豆沙都几绵，就系淡D，中规中矩啦！老公话好抵，9.8蚊系出面食得D咩啊！而且呢个团购味道几好又大份，而且环境几干净！不过原价就觉得贵D罗，甘细碗绿豆沙都要7蚊！…查看更多

之前系微博搞活动，转发微博就有酸奶或者蛋糕，所以行开街就顺便去帮衬吓！入到风尚广百坐电梯上到三楼就可以见到啦，装修都几别致啊，而且座位好宽敞！厨房就系一入门口右面，开放式既！不过觉得D厨师好似唔系好积极甘！一开始坐低我话系转发微博既蛋糕活动，店员都几好礼貌啦，填左资料就叫我地等等，不过两件蛋糕都等左二十分钟！个核桃蛋糕里面真系有好多核桃，其实味道都可以，不过个蛋糕质地真系好鞋，好似隔夜丁翻热甘！不过好似话呢个就系特色，无加添加剂既！后来再要左个草莓牛奶煎饼，分量都几大，个样都几靓，不过超甜！巧克力狂想曲，就系有几个雪糕球系个吐司包上面，一起食既感觉都几好！个样都几吸引噶！酸奶，都几有酸奶味，话系自制既！呢度食物质素都过得去，见到有团购，就比较抵！一班朋友倾计都几好！…查看更多

因为去开天河城，又有团购，22蚊可以拣两个甜品，所以果断出手！系天河城南门一出来就可以见到啦，就系斜对面马路。店面几大，位置好宽敞，不过几次经过觉得生意一般般，店员既服务态度都几好既，唔会因为团购就变晒样！要左杨枝甘露同芒果白雪黑糯米，杨枝甘露都过得去，唔会太酸，芒果白雪黑糯米就系冰沙放系牛奶度再加黑糯米，口感好特别，而且唔会太甜！呢度如果无团购都几贵，其实味道都系满记比较好！…查看更多

果日刚好有事经过龟岗，捻起电视曾经介绍过呢度有间外国人开既包店，用料好新鲜，系以芝士闻名既，甘爱芝士既我又点可以错过呢！铺面比较细，里面得两张凳，连包既种类都唔多！见到有即点即做既PIZZA，好似都系20-40蚊，仲有三文治都可以即点即做，不过赶时间，就选择买包食罗！呢度既食品如果当天出既就正价，寻日出既就会五折，不过距会写住系几多小时内出既，要系几多小时内食用！店员仲会好贴心甘讲如果即刻食可以叮翻热！买左个寻日出既帕玛火腿芝士面包，真系恕我唔识欣赏啦，好鞋，好韧，而且芝士味好一般，唔知系因为隔夜定系本来既味道就甘！其实3.5蚊好抵食（因为5折），好大块，但系味道真系好一般！…查看更多

果日去开珠江新城办事，见到周围既都系超级贵既小资西餐厅，唯一见到呢间店既价格仲过得去，所以就系度食啦！堂食系二楼，要上一条比较窄既楼梯，顾忌肥人同老人家就比较唔方便啦！阿妈点左个马蹄肉饼饭，上来既时候系一碟肉饼加几条青菜，肉饼上面有个咸蛋黄，一碗饭，饭上面既榨菜我觉得系最好食既，哈哈！12蚊！我要左碗水饺，8蚊十只，好细一碗，而且水饺有两三只皮都烂左！仲要左一只糯米鸡，特价5蚊！只糯米鸡好耐先上，而且觉得好似放左好耐！…查看更多

周总理都话好既餐厅，点可以唔帮衬呢！每次必点总理套餐，因为有只乳鸽，有个炒饭，有个雪糕球，有只包点黄油同杯奶茶！只乳鸽单点都48蚊啦，不过真系好好食，皮好脆，D肉汁好多，烧得好入味！个炒饭就系挪来顶肚，无咩味！杯奶茶都几滑既！德国猪手，好大一份，老公话好香，但系真系好滞，我觉得起码有6个人先好点！瑞士鸡翼，都腌得好好味！芝士西兰花，好一般！肉酱意粉，味几好，就系点解无芝士既呢？海南鸡饭，D鸡肉望落去都几滑几好，不过阿妈话无鸡味！但系油菜几好！炸雪糕，好失望，一都唔好食！我觉得坐系入面都几舒服既，露天位虽然几有情调，但系就硬系觉得系度食尘罗，又惊落雨或者高空袭物罗！…查看更多

呢间铺头开张无几耐，我就团购左个朱古力芝士蛋糕！一开始D人话服务员态度唔好，接电话听到系团购就冷冰冰，但系我都无遇到呢D情况罗！呢间铺头都几容易稳到既，珠江新城地铁站A2出口出来望右行再转右，好快就加到啦！一入门口，有好多马卡龙既摆设，好靓啊！而且有好多蛋糕同朱古力，好精致，睇落就好好食！因为另外有卷，所以买左个覆盆子蛋糕同芒果蛋糕切件，咁就四十蚊啦！相比起个团购既59蚊蛋糕，真系好贵！不过呢度既蛋糕味道真系好好，一食就知道用料上乘，蛋糕好新鲜，芝士味好浓！…查看更多

觉得呢度既环境都几舒服，好适合一班朋友倾计同拍拖！有一次食饭仲见到突然有人挪住扎好大既花送逼个女仔同距示爱，真系好SWEET罗，哈哈！呢度既石锅饭都几好食，尤其系烧鸡同鳗鱼，我觉得距既汁做得几好，肉既分量都唔少，加埋热辣辣既饭，好开胃！和风pizza,系用拉面来做底噶，上面铺D小丸子上面一条条既野，几好食，分量好足！会叫个寿司拼盘，品种都算多，但系味道就梗系比唔上专门既寿司店啦！但系三文鱼芒果寿司就好推荐！芝士海鲜火锅都几好，芝士味好浓，海鲜都几多！…查看更多

呢度既食物都几好，但系就系服务态度差D罗！拿破仑，招牌甜品，最好六点前叫定先，可以叫距饭后上，如果再迟D肯定无啦！仲有草莓派同芝士蛋糕，真系样样都好好食罗！而且用料真系好新鲜！芝士焗蜗牛，我觉得系广州来讲，呢度做呢个菜算比较好食！肉酱意粉、南瓜汤同海鲜焗饭都推荐！因为果日系同学请既，实在叫左太多野啦·，样样都试D，好多都唔记得菜名啦，但系有个咩生鱼番茄汤就唔好点啦，好酸！…查看更多

稻香饮茶既出品真系唔错，不过价钱真系好贵，而且碟头好精致！新年既时候，去完小蛮腰，之后就来左呢间珠江帝景稻香饮下午茶！叫位系分人数安排既，等左一阵就有位啦，系窗口旁边，个VIEW真系几得！呢度既服务真系好好，好有礼貌！蛋散，炸得好松脆，虽然甜，但系唔滞！糯米鸡，D糯米几香，里面仲有瑶柱噶！叉烧包，好普通！潮州粉粿，呢个皮做得好好，阿妈第一次话食到潮州粉粿里面既花生甘新鲜！凤爪排骨之类既就做得几好味，但系无咩特别罗！牛肉干炒牛河，都几大一碟，炒得好有火候！呢度既出品都几好食，但系真系太细碟啦，而且价钱太贵，就系去享受个服务甘大把罗！…查看更多

虽然以前住系附近，又听D人讲话好正，原汁原味，但系呢度真系太多人啦，记得有一次夜晚10点几坐车经过居然见到仲排紧队买汤，真系夸张啊，所以就捻住点都过来试吓啦！一试就后悔啦，12蚊一个椰子炖鸡，我果个有椰子盖，阿妈果个无椰子盖，甘都算啦，里面D鸡肉得果两三旧，而且都系骨多或者系D唔食得既部位，仲见到人地吮得好入味，而且D汤好明显放左味精啦，阿妈话真系好不如距煲既汤罗！我都觉！而且呢度真系太逼啦，个个都挪住碗甘热既汤等位挪位，其实几危险罗！无下次啦！…查看更多

从学生时代就一直好中意堂会，性价比高，音响几好，歌更新得快，自助餐质素唔错！以前去开海珠广场果间既，后来海印店开左之后，就中意来呢度，装修比较新，而且音响更加好！之前买过几次团购，39蚊3个钟，好抵啊！不过就要4点10开始入房，呢个时间段就唔系好就罗！呢度既隔音效果比较好，旧歌齐，新歌更新得快，而且唔会出现D冒牌MTV罗！自助餐质素几好，每隔半个钟就会有葡挞、酥皮汤、芝士蛋糕呢D贵野出来，面食啊饭啊甜品水果咩都有，连三文鱼都有，不过好薄切，而且我觉得应该系放左好耐，所以呢个我就觉得唔会食！…查看更多

帮衬呢间野都有十几年啦，一开始就系街旁边既，而家换搬左入巷，换左个大地方，依然人山人海！尤其系D外省人，好中意呢度！灌汤包既品种亦都越来越多啦，每次去都会点个猪肉灌汤包同羊肉灌汤包，呢度既灌汤包真系皮薄馅靓罗，夹既时候要好注意，一定系平稳夹住个顶，如果唔系就好容易漏晒D靓汤噶啦！因为呢度客人多，所以D包都系即点即做，唔会隔好耐，点都好新鲜！记得十几年前一笼灌汤包系10蚊，而家升到20蚊啦，以前每人会送一碗小米粥，而家系要钱既，好似系1蚊定2蚊碗，不过挪来送包几好！好中意呢度既小菜，味道好正宗，尤其中意海菜、辣豆干、辣豆腐皮！…查看更多

呢间店真系开几多间，几多间都系排队既！中意光明广场上面呢间，位置比较宽阔，街铺果间好逼，而且位少好多！越式咖喱牛腩，真系好正啊，D咖喱汁调得好好味，D牛腩肯定系正货，大大旧又唔老，通常净翻D汁都会挪来捞饭罗！有次试过要咖喱鸡，觉得同样系咖喱，牛腩比鸡要好食好多！麻油鸡，就系辣辣地既手撕鸡！越南春卷，一样好正，自己动手，中意包乜就乜，但系我最唔中意中间有条绿色既野，唔知系咩香菜，好怪！海鲜翻，揭开个椰子盖，里面其实好少野，但系海鲜既量都几足既，咩虾啊鱿鱼啊之类既，但系我觉得距D米唔好，而且吸收唔到海鲜既鲜味！…查看更多