歌利亞與祖利安的个人专页

海岸城有好多食店都大排長龍，唔想排咁耐，又驚去啲冇人排隊嘅食店會中伏，所以我哋揀咗少人啲等位嘅“綠茶”，等咗三個字左右就有位了~ “綠茶”嘅裝修好雅致，食客好似喺兩岸開滿櫻花嘅河上小舟上用膳咁，好有詩意。落單後苦等咗半個鐘，終於上菜了... 火焰蝦 RMB 48說好的篝火表演呢？雖然冇，但味道更重要。蝦串份量十足，足足20串，隻隻新鮮彈牙，麻辣味香，非常惹味。鮮蝦小龍包 RMB 20中晒伏，啲皮勁厚，味道似超市買嘅小龍包，而且係配酸辣醬唔係醋，好怪。鮮蝦響鈴 RMB 28另一伏...似係唔熱嘅鮮蝦腐皮卷，好在我哋嘅蝦同雞都有明火，可以放上去煎返熱黎食，不過就算熱食都係麻麻地，餡料有好多肥豬肉。綠茶蔥香烤雞 RMB 35雞肉嘅香料味好重，微辣，雞皮帶少少檸檬嘅酸味，幾香，但啲肉都幾鞋，而且食完好口渴。除咗碟蝦之外，其他應該唔會再encore了。…查看更多

聽同事講探魚嘅烤魚好好食，我緊係要探下佢啦~兩個人，就揀咗個二人餐 （RMB 188），份量足，唔使諗~醬香味烤魚（凌波魚）本身想試重慶豆花烤魚，但見到堆積如山嘅辣椒，最終縮沙揀咗唔辣嘅醬香味烤魚，凌波魚啖啖肉，配上帶有少少孜然味嘅醬汁份外惹味，不過啲汁愈煮愈似蠔油，好重口味，食要襯快。蒜泥青瓜濃味嘅烤魚配清新嘅青瓜，不錯。。 川北涼粉涼粉太粗，中間淡而無味，薄切較佳。金針菇最遲上的伴魚輔菜，因為醬汁已煮得太杰，金菇也有點咸。檸檬冰桔茶檸檬桔味不太突出，冰茶無誤。紅糖冰粉加入紅糖漿嘅仙草，清甜解膩。…查看更多