Eggish的个人专页

飲完蹄花湯，第二站就到附近呢間灃稼莊食第二餐。店舖位於大街上，好容易就揾到。一人到店，點知比張4人大枱我坐，真是受寵若驚。我預先團購咗一隻脆皮烤雞，店員同我講現烤既要等30分鐘，我話冇問題，咁就一路等一路玩手機。大慨等咗50分鐘隻雞先上餐，大大隻，皮脆肉嫰，隨餐附3種醬，第一種係籽然粉，第二種係辣椒粉，第三種係黑椒醬，我就喜歡就咁食，每啖都爆哂汁，好好味。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

今日上到嚟深圳覓食，第一站就嚟到石厦站附近既丰味川渝面館，先嚟就飲個蹄花湯先。午餐時段到店，人山人海，好不容易先揾到個位坐低，掃碼睇下個餐牌有咩好食。佢個蹄花湯，半隻蹄花賣¥29，預算之內，咁就一於点個招牌老媽耙蹄花湯。一陣碗湯同埋碟红油一齊嚟到，碗湯都幾大下，豬蹄腍糯，食落滿滿骨膠原，蘸红油食更加突出蹄花既味道，湯好飲，裡面仲有雪豆，食落口感豐富味道十足。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

今日父親生日，上嚟深圳打包鹵水外賣番香港慶祝，嚟到呢間頗遠既陸記鵝庄，順道食個午飯。午餐時段到店，搵張二人空枱坐低睇下個餐牌，可以掃碼落單，最後點咗一個鵝肉粉肝飯，¥51，一場嚟到，身水身汗，加多支啤酒。鵝肉好入味，唔太咸，好味，粉肝軟糯食落粉粉的，好味道，仲有一碟蛙蛙菜同咸酸菜，十分下飯，加多一個鵝八珍外賣，十分滿足。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚🥚[糖果]性价比：🥚🥚🥚…查看更多

食完豬肘飯，就行過對面馬路，就嚟到今日既第二站和盛記汕頭牛肉粿条。午餐時段到店，已經坐滿7成食客，揾到個門口位二人格坐低，掃碼睇下個餐牌，有好多食品都十分吸引，但我今日想試下佢地個濕炒牛河，最後就點咗個濕炒牛河，¥25，大大碟份量十足幾抵食。薄切牛肉食唔出d牛肉味，個汁就推得唔錯，每條粿条都掛上d汁食，味道頗唔錯，要咗中辣，見到有d紅辣係碟粿条度，但唔係十分辣。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚[糖果]性价比：🥚🥚🥚🥚…查看更多

今日上嚟深圳整眼鏡，回程去咗係新秀呢間壹只鹵鵝，潮汕菜食個遲午餐先番香港。預先係美團買咗個¥39蚊套餐，要咗鵝肉拼鵝肝飯，烏雞石斛湯。個飯份量都多，鹵水鵝鵝肉肉嫰入味，起咗骨既啖啖肉，鵝肝比較乾咗少少，但味道唔差，飯上面仲有咸酸菜，好開胃，仲有煎雞蛋同埋半隻鹵水蛋，好味又好餸飯。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

今日要上深圳幫父母配眼鏡，回程就係蓮塘口岸呢間啫火啫啫煲食個遲午餐。店舖位於商場內，好易搵，經店員帶位坐下，掃碼落單，睇下個餐牌有咩好食。就比呢個生啫牛舌吸引住，咁就一於落單，不一會就送上，熱辣辣，香噴噴，有濃烈既黑椒味道，食落去十分惹味，用蔥，蒜同洋蔥去爆呢個牛舌，份外好味，口感豐富。整體滿意。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

深圳呢間位於黃貝岭附近既賴記喬旺燒腊店，都有幾多街坊幫襯，午餐時段到店，已坐滿大半食客。預先購買了團購燒鴨半隻，到前台掃碼確認落單，買多一罐烏蘇啤酒就揾個位坐低，不一會半隻燒鴨就送上，份量好多，師傅刀功好，件件大細一樣，味道唔錯，毫無半點異味，口感唔錯，餸啤酒一流。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

食完羊肉粉，就嚟到第二站附近既呢間廣興祥燒鵝皇飯店。午餐時段到店，已經差不多坐滿食客，剛好食客差不多食完就離開，所以好快就有空枱。預先購買了團購燒鴨下庄¥33，係前枱掃完碼就揾個位坐低。等咗一陣碟燒鴨就送上。熱辣辣的，聞到都好香燒鴨味，食落味道都唔錯，佢冇鴨嗰d異味，只有好香既肉味，蘸一點底下既鴨汁食，就更加滋味。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

今日上嚟深圳紅岭北站附近覓食，第一站嚟到呢間羊來丰紅燒羊肉粉食碗粉，預先團購了一碗紅燒羊肉粉，¥15，坐低後掃碼睇下仲有咩食先，最後俾多¥10加多一份羊肉。有自助免費既泡菜，但味道古怪，不是食開韓國泡菜的味道。羊肉粉粉既份量足夠我食，偏淋，索哂d加咗辣子既湯汁，好食，湯底都唔錯，飲咗大半碗，羊肉唔羶夠肉味，温馨提示，一定要加多一份羊肉。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

食完海鮮麵，第二站就嚟到附近既人氣新疆菜食店卓記米粉。午餐時份到店，已經坐得七七八八，剛好有張二人空枱，就坐低掃碼落單，今次要挑戰中辣既牛肉米粉，加一罐新疆奶啤。一陣間碗粉就送上嚟，點了小份但份量都幾多，佢既中辣都已經好辣，但辣得好過癮，好快d辣會從口中消失，牛肉夠嫰有咬口，d米粉索咗d辣汁每啖都有辣的味道。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚[糖果]性价比：🥚🥚🥚…查看更多

食完雞煲，第二站就嚟到cocopark裡面既前灘阿大排檔。午餐時份全店滿座，剛好有一枱食客離座，我就坐下，轉頭就有店員幫忙掃碼落單，我又係預先購買了團購餐，這個是豬肝腰花拌麵，四喜烤麩同埋一杯檸茶。等咗大慨十分鐘d食物就嚟到，豬肝腰花份量都夠，但略嫌切得細舊，麺條異常好味，有一陣陣胡椒既味道，好好味，四喜烤麩就係涼菜，甜甜地，檸茶唔太甜夠茶味。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

今日上到嚟深圳覓食，首先等一站就係呢間位於會展站附近既渝八两重慶雞公煲。店舖都算易搵，係座大中華廣場既地庫角落位。午餐時段到店，外賣十分多，但出餐頗快。已預先團購咗個招牌雞公煲套餐，到店後找店員掃碼就去攞碗白飯及免費飲料。一陣個雞煲就嚟到，份量都夠食，大部份無骨雞件，啖啖肉，d芹菜索哂d辣汁，十分好餸飯。性價比高，整體滿意。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

係下梅林食完白切拼盤，就沿梅華路行去位於上梅林既呢間丫丫水餃食番碗水餃先走。午餐時段好多附近工作既工人都會走嚟呢度食水餃，無他既，正所謂平靚正，自然有捧場客。我又唔太肚餓，就點咗個小份既蝦仁韮菜肉餃，¥20蚊，有十幾隻水餃，餡肉豐富，每隻水餃都有一隻蝦，蘸了自制醬汁(醋，蒜蓉，蔥，辣椒油，生切辣椒）更加美味。整體算滿意。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚[糖果]性价比：🥚🥚🥚🥚…查看更多

今日走咗上嚟深圳食午餐，第一站就係嚟到呢間位於下梅林既食慣嘴。店舖細細得幾個位，之前上網睇中咗佢地個白切拼盤，拼盤裡有白切雞，鴨，豬粉腸同埋五花肉4樣，呢個拼盤落咗好多生蒜碎落去，撈均食就有好香既蒜頭味，白切雞肉嫰同好滑，鴨就有d韌，粉腸味道一流口感豐富，五花肉有肥有瘦，叫咗一碗粥，老闆娘話唔收錢，碗粥好有米香，香港食唔到呢種白粥，所有食物都好餸粥，先嗰¥35蚊，整體滿意。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

食完炒飯，第二站就嚟到景田食個一人雞煲。店舖係條巷仔裡面，小店經營，一人雞煲團購先¥18，唔會要求太高，佢上餐時有個雞煲，一大碗白米飯同埋一碗蟲草花杞子雞湯，性價比高。味道方面因為我點了香辣雞煲，所以個雞煲係麻辣味既，算好辣，有洋蔥，有青辣椒同埋有d菇做配菜，雞件好少骨，差唔多啖啖肉，我用d汁嚟餸碗白米飯先食得哂，湯比較好飲。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚[糖果]性价比：🥚🥚🥚🥚🥚…查看更多