旺旺谔谔的个人专页

以前细个成日去架,妈妈一个星期会带我去一次,谂翻真系觉得好怀念呀!不过大个咗真系好少去噜,我仲记得我细个果阵童子鸡喺29蚊一只架,以前有两层嘅,宜家装修都变晒,好似唔止食炸鸡,仲有蒸饭添.宜家童子鸡升到30几蚊只喇,仲记得d皮脆脆哋,好香口,大家戴住一次性手套喺咁撕,哈哈~之前去两个人就可以消灭一只鸡喇,不过当然要点其他野一齐食喇~…查看更多

仲记得以前有套电影叫功夫,真功夫就喺果阵时改名嘅,觉得佢味道都唔错,真功夫俾人感觉就喺一直注重健康,"蒸的好",以前比较贵,宜家最平10几蚊就有一个饭,卤肉饭一直喺我LG嘅最爱,我就中意试下呢样试下果样,冬菇蒸鸡腿,花雕鸡腿我都好中意,再陪一杯豆浆,呢度豆浆都好好饮,特别宜家优惠卷喺报纸档就可以拿到,就更加方便快捷喇!…查看更多

以前未嚟过,佢新开嘅时候总系好想嚟试下,听d人讲又话点好食,仲好食过Pizzahut咁样,之前一行三人嚟到呢度,大概喺下午5点几差唔多六点吧,完全唔洗等位,俾个服务员招呼咗我哋入去坐低,原来仲好空旷,只有几围台有人,可能时间尚早,环境一般般喇,我就觉得Pizzahut好d喇,然后我哋点咗两个pizza,果度价钱都唔平,满心期待会几好吃,结果味道差,口感差,连服务员送pizza上嚟果阵,我哋问佢呢个喺咩pizza佢都叫我哋等等,然后走去问人,买单160几,都喺钟情pizzahut!…查看更多

聚德中路呢间貌似喺开咗1年到,以前呢度都开过好多食肆,不过无几耐就执笠,不过呢间黄振龙1年几了,依然屹立不倒,可能广州人需要凉茶嘅程度还是比较大的,宜家社会,乜都升价,凉茶都升价了,就连我最中意嘅椰子汁都升价,瓶装要5蚊一支,不过我仲喺偏爱黄振龙多过平安堂,觉得黄振龙比较正宗,通常喉咙痛饮翻支,第日就好得7788架喇,不过凉茶性凉,要睇个人身体情况决定,本身寒底建议食龟苓膏比较好!:)…查看更多

好耐之前同家姐去食过,谂住佢喺台湾开嘅,会正宗d,入到去,见到餐牌写住鳗鱼先生,原来佢哋喺同一个老板开嘅,连宣传照片都一样,于是点咗棺材板,因为成日睇d台湾综艺节目有介绍,所以我都好想试下,跟住点咗蚵仔煎,仲点咗几样吧,棺材板原来系咸嘅,我一路以为喺甜嘅,哈哈~不过其实真系好普通,无我想象咁好食,蚵仔煎,好难食,以后都唔会再叫,价格相对贵d,而且性价比一般般:(…查看更多