eat4forever的个人专页

難得黎到深圳, 今日來到呢個比較遠既地鐵站, 為既就係LINE FRIENDS STORE黎到先知呢度係幾個商場連接埋一齊, 真係幾好行黎得深圳, 當然要食返D比較知名既餐廳!黎過幾次深圳終於食到「探魚」 😍24小時營業既探魚永遠都咁多人排隊, 18:30攞飛排到接近21:00先有得食......因為我唔食得太辣最後叫左泡椒口味(屬1 🌶)望落好似蕃茄仔既其實全部都係泡椒黎嫁!不過食落味道唔係好辣, 唔灼喉的~~ 連我都食到 😋 😋 😋辣度後勁唔係好大, 辣辣地食落都幾惹味凌波魚肉質都幾嫩滑而且完全冇泥味連我呢個最怕食到有泥味淡水魚既都覺得好好味 🤤 ❤️仲有加左少量配菜(金菇 & 小木耳 每款$5.5)除了魚煲外呢度仲有前菜 & 串燒食, 不過串燒&燒蠔味道麻麻地, 可以唔食～我同男朋友2個叫左個魚煲 + 小小燒物已經好飽 😋味道的確唔錯, 下次同朋友上大陸都可以再過黎食! (上黎唔一定淨係食海底撈嫁! 呢間都唔錯) 下次試下挑戰更辣先 🤤 🤤 🤤 👍🏻…查看更多

本身幫襯既係國貿中心分店既海底撈, 不過因為冇依間分店所以唯有寫係呢度。海底撈一直都聽人講好好食，不過自己一直冇試過，今日陪男朋友同朋友來到深圳旅行，終於有機會一試！不過一間海底撈的確係超多人幫襯，所以等位時間都幾耐，很好預先喺手提電話攞定網上預約，如果唔係真係冇機會食到。最後都等左近個半小時先入到去不得不提呢度既服務態度真係好到不得了，又有禮貌又好笑容，相信香港即將開嘅分店應該做唔到呢個水準！麻辣同蕃茄湯底，麻辣看似好辣，但剛剛開始其實味道不會太過辣，不過隨着時間影響而令到火鍋越來越辣，食得好過癮。蕃茄湯底超濃郁的，整個湯底都係橙紅色，配上火鍋湯食材一齊食會食到陣陣蕃茄味。其實店內都放咗好多各式各樣嘅醬汁供客人享用，不過個人覺得湯底已經十分濃厚，不需沾上任何味道已經好足夠！毛肚很爽脆，個人覺得好好食！另外都叫咗好多海鮮味道十分鮮甜，我因為麻辣湯底比較重味會蓋過海鮮味道，放入其他湯底會更好。今晚真係食左好多野，每人都係二百幾蚊人仔，尚算抵食!…查看更多