週末同男朋友北上消費🙈佢話要帶我食omakase，係朋友食過覺得好味再推薦俾佢！雖然好少番大陸不過如果好食禁就去試下啦！ 😼🙌🏻因為十貫冇預約只可以拎飛，聽佢朋友講開鋪11點半開鋪前就已經有人排隊拎飛，所以星期六一早諗住上去拎飛先，但都係遲左2點幾先去到，店員話星期一至四午飯同晚飯時間師傅會落場，不過今日星期五六日加開左3:30時段，我地就好彩拎完飛行下商場就有位～^_^［小提示🔔］拎到飛後，如果你有WeChat 的話店員在有位前十分鐘提醒你，咁就算等位期間行左去都唔洗驚啦😆店員俾我地既餐牌有兩款omakase套餐一款海膽熱狗set， 另一款和牛熱狗set， 另外仲會俾埋單點menu😆單係兩款set已經好難揀🙈 最後都係揀左海膽set！ 單完餐之後師傅有問我地有冇黎過？ 有冇咩唔食？ 了解完再為我地揀合適既食材做omakase🫢🫢前菜係帆立貝佐魚子醬醋凍，啫喱質地既醋凍加上魚子醬🤤🤤酸酸甜甜又唔膩作為前菜一流！ 之後第二道菜係黑松露茶碗蒸，唔好睇佢黑蚊蚊，蒸蛋上面鋪滿左厚厚既黑松露🤩 入面仲有巨型磨菇，雖然唔好黑松露味不過可能係因為蒸所以浸味唔算好濃加上肚餓都食得曬成碗茶碗蒸🙈鐘意黑松露既朋友一定要黎試下呢道茶！第三道菜係我期待左好耐既矶煮鮑魚配鮑魚肝醬！ 食落都有咬口同味道較前兩道淡味，不過整既過程無論係揀同煮既過程客人都可以望住，連擺盤用既裝飾花師傅都好細心禁揀完再放上煮好既食材上面！值得一讚～👍🏻再黎係刺身三品，今次準備左鳥貝、劍魚腩同金槍魚三款，師傅請我地由味道最淡既鳥貝到油脂最多最濃味既金槍魚順次序食😆其中金槍魚入口即化，非常推薦俾大家！跟住就係壽司七貫，大部份都係魚生壽司分別係池魚王，真鯛，左口魚，章紅魚，金頭鯛魚，左口魚裙邊 （灸燒）同埋星鰻手卷。其中左口魚味道鮮味，加埋可以炙燒🤤真係無得輸呀！食完七款壽司之後其實已經6/7成飽，但跟住落嚟就到重頭戲海膽熱狗！ 師傅拎出兩盒分別係大連同加拿大既海膽俾我地！男朋友同我即刻兩眼發光🤩 海膽入口軟滑即溶，帶有啖啖的海水鮮味，唔腥！如果驚太飽可以同師傅講少飯尾二一道係醋柚素面，淡淡柚香加上幼素面，非常解膩最後就係甜品啦！師傅拎咗兩盒雪糕出來，係抹茶味同拖肥糖味，比較出色嘅係個抹茶味，食落好有京都抹茶嘅味道！今次既omakase好驚喜！ 魚生非常新鮮，師傅會同我地傾計，同好樂意介紹唔同魚有咩分別俾男朋友同我呢啲比較少食魚既人聽！最後問我地食唔食飽可以再整menu冇寫既手卷俾我地，仲話最緊要我地食飽飽禁走🥺 有啲意料之外既食物質素同服務🙌🏻👍🏻…查看更多
