周街揾食人的个人专页

呢间龙津东路嘅五湛记都算几大间下,环境就一般般啦,不过都算几有人气下,佢嘅招牌就系状元及第粥佢嘅材料有猪肝/猪腰/猪心/猪生肠等食落好有鲜好甜好香嘅感觉,加上佢嘅咸煎饼浓浓嘅南乳味炸得外脆内软,用来送粥简直系最佳拍挡.…查看更多

今日行过北京路呢间表哥唔使等位啵,忽然间好想试下啲传统嘅口味一于入去试下先,里面嘅环境几大几好下有上下两层,点咗个五十蚊嘅烧味双拼有烧鹅同烧肉啲 烧肉烧得好靓皮好脆啲肉一层层肥廋适中甘香松脆好正,啲烧鹅就差少少啦,啲皮唔算脆味度咸咗少少啦,再点咗个三十八蚊嘅蠔油鲜菇炒牛肉,啲牛肉好鲜好滑好大件下啵,啲鲜菇都几入味.好味好味…查看更多

今日行过中山六路见到新开唔耐嘅亚庭云吞面铺仲加埋专家两字添,里面嘅环境都算几好下,望落一派港式茶餐厅嘅风味,再睇真啲原来系表哥嘅系列产品一于试下先,点咗个推介九蚊嘅鲜菜肉云吞面望落个碗有几大下,不过个汤底就嘛嘛啰,冇乜鲜味用料唔够啵,啲面食落就几爽下.不过有少少臭粉味,走碱时间唔够,啲云吞皮就几薄几滑不过放咗啲唔知乜嘢青菜搞到啲味度怪怪哋,冇晒云吞嘅鲜味啰.仲试咗牛腩捞面啲牛腩就几肆肆正正几大件下.味度都算几好下啦.…查看更多

容意发牛杂店一间广州几有名下嘅食牛杂店环境就一般般啦不过就几干净下,个老细招呼客人几热情下,啲公仔做嘢都几爽手,点咗个十五蚊嘅牛羊杂汤材料好新鲜分量好足食落有香有爽好味,点多个十三蚊嘅牛三星都喺分量好足下,个汤底酸酸甜甜从有少少嘅药味加上又鲜味又爽口嘅牛三星食落感觉味道好夹下啵,唔错唔错.…查看更多

呢间1920西餐厅外面嘅环境就好一般,不过里面嘅环境好靓好有情调下,烤猪手伴酸椰菜土豆泥皮好脆肉好鲜几好味下,黑椒香蒜牛肉粒配芦笋炒得好香好有镬气虽然喺小食不过分量几大下,德式拼盘品种几多下肠仔好好味,乡村红酒炖谷饲牛肉呢个反而一般般啦.感觉呢间1920西餐厅环境几好,虽然贵少少不过分量几大味道几好啰.…查看更多

一场大雨留咗我在公园前地铁站忽然间谂起上面有间华宴一于上去试下先,环境几大下六七楼都喺装饰一般般啦,点咗个三十八蚊嘅猪肚煲鸡睇落又几大煲下,饮落几重味精味嘛嘛地啰,点咗个牛肉白贝炒凉瓜,食落几咸下,再点咗个炒花枝片睇落几靓下不过就淡咗少少啰,感觉呢间酒家啲师傅出品好唔稳定啰,都喺间嘛嘛地嘅酒楼啰.…查看更多

北京路呢间聚宝海鲜酒家环境就一般般啦唔算好大睇落都几旧下,点咗个招牌红烧乳鸽三十六蚊睇落几大只几厚肉皮爽味度好正下啵,唔错唔错香菇海参蹄筋煲海参蹄筋好爽分量都几足味度都几好下,香芋扣肉煲,啲扣肉几肥下不过食落就几香下啵芋头唔算好粉一般般啦,御前一品斋颜色衬得好靓下,炒得几有香味度几好都算喺间几好下嘅粤菜酒楼啰.…查看更多

新市南街呢头又新开咗间肠粉店啵，望落去环境都算几干净企理下，睇下个菜牌粥粉面饭都有品种都几多下，点咗个十蚊嘅鲜虾拉肠，睇落又几靓下啵拉肠拉得几薄下几爽几滑，啲鲜虾好细只下不过都几鲜几爽，豉油唔算好咸都算喺呢头几正下嘅肠粉店啰．…查看更多

中山六路呢道新开咗间牛精清汤牛腩店，环境唔大不过望落就几干净企理下，点咗个十五蚊嘅招牌清汤牛腩粉个汤底几清香鲜味下啵，牛腩都算淋不过有少少嚡还可以接受啦，感觉同广式嘅牛腩香浓嘅味道比较别有一番风味，都算几好下啰．…查看更多

新市岗贝路依到都有一间食正宗顺德双皮奶嘅店啵，大鸣堂好似好有鸣堂噉，一于试下先，环境好细装饰都几简陋下，不过睇落都几干净企理下，点咗碗十蚊嘅传统窝蛋双皮奶睇落几靓下啵，双皮奶几香几滑唔算好甜加上好香好滑食落感觉咸咸地嘅窝蛋黄都几好味下啵，唔错　唔错。…查看更多

呢间五号停机坪嘅天极品环境都算几好几宽落下，金沙红米肠内脆外软好香虾胶味几正下啵，枣皇糕好香枣味，叉烧包同萝卜糕食落都喺几传统嘅口味，豉油皇凤爪好淋好香好入味，感觉出品都几好下啵，不过价钱就几贵下啰．…查看更多

呢间上下九步行街楼上嘅绿茵阁餐厅环境几清静下，门口嘅节日装饰几喜庆下，点咗个沙律味度几好下过品种就少咗啲啰，鲜菇牛肉跟饭牛肉好甘鲜菇好香酱汁味度好正，猪扒饭味度都几正下，不过啲猪扒嚡咗少少啦，都算喺间味度几好下嘅本地西餐厅啦．…查看更多

呢间好近流花湖嘅蒙地卡罗酉餐厅都系开咗好耐下嘅西餐厅环境同装饰都仲几靓下，点咗个精选肉眼扒七十八蚊要七成熟睇落分量都几大下食落几甘香唔韧感觉都几好下啵，和味洋葱牛肉饭定食四十八蚊有饭有菜有汤睇落几丰富下啲汁都几好味下不过最唔好就系嘅牛肉变咗肥牛片感觉差咗少少啰，二十八蚊嘅瑞士鸡翼就嘛嘛地喇，冇离闻味感觉几差下啰．…查看更多

龙津东路呢到又开咗间新嘅食店个名就几威下叫御厨传人，环境唔大装饰都喺几一般般啦，佢啲出品都系粥＼粉＼面＼饭嘅快餐店，佢蒸啲肠粉几特别下系用竹嘅窝榄嚟蒸，牛肉拉肠七蚊啲肠粉唔算韧几散下牛肉好少，食落感觉几一般般啰，个拉肠加蛋食落感觉就实咗少少，不过都系唔韧真系间几一般般嘅食店啰．…查看更多

中山六路呢到新开咗间纯兴云吞面店听佢介绍都系老字号嘅连锁店，环境唔算好大装饰就一般般呢，点咗个九蚊嘅细蟹子云吞面个汤底几浓味下，云吞细细粒有五粒睇落几有旧时嘅味道，不过啲面就唔算爽啵感觉都喺间几一般般嘅云吞面店啰．…查看更多