十字死光的个人专页

系北京路教育路呢度开佐间水蛇粥，时久经过都见到好多人光顾就去试试，有3楼层我哋上佐2楼坐，新开嘅店环境系唔几好但系比较狭窄，菜价都比较偏贵，驰名嘅香煎顺德鱼饼试试，味道略咸佐少少，鱼肉香口两面煎得金黄可口，呢度出名嘅水蛇粥点少得点翻一锅，料系几足嘅，但系蛇肉比较幼小，成锅粥都提起佐鲜味，蛇肉好食。…查看更多

下江南食鱼生便靓正，16.8一斤鱼多人食就整条6-7斤嘅鱼又可以一鱼多食，虽然呢度嘅环境不是太好有少少嘈杂烟雾尼曼但出票还是可以的，菜价也是比较实惠，4个人要佐6斤鱼，起片做鱼生唔少得，爽口鲜甜，再搭上配料自行调制加D姜丝葱丝鱼干豉油油等等捞匀一口过，爽....鱼骨要嚟椒盐好惹味，但系有D鱼腩部分有D漏嘅感觉。…查看更多

九毛九山西菜第一次朋友带去食，听闻山西菜主要食嘅都系以醋为主，特意点佐白菜饺子试试，大大一只馅料都几饱满，咬开里面嘅汁都漏泄再点一点佢哋嘅醋味道即刻提升唔少，烂糊白菜其实就系娃娃菜同D面筋一齐煮到似糊型但有少少汤水，味道系唔错嘅送饭都一流，仲有佢呢度嘅酱骨架都几出名见到每围台都点，贵少少十几蚊一旧骨头，冇太多肉，但系酱嘅精髓渗透骨里面好惹味。…查看更多

雍盛菜馆就系13路车总站文德路，环境比较差上二楼嘅话要经过厨房有D邋遢，楼层比较低坐得唔系好舒服，胜在菜价便宜都系20-30左右嘅菜价平民价街坊生意，份量都算OK嘅，原本想点凉拌鱼皮点知买晒唯有点另外一个凉拌牛柏叶，好多拌菜芫茜葱丝花生，牛柏叶份量有点少但好爽口，铁板鸡柳觉得唔错，有少少微辣嘅感觉，鸡肉嫩滑入味。…查看更多

一间老字号嘅太平馆西餐厅，朋友说乳鸽好食特价就去进食午餐，有几层楼都好旺场环境唔错但通道有D狭窄感觉，比人呃了又话乳鸽特价，一只乳鸽仔40蚊，真系好细一只，正所谓皮香肉嫩，咬开D肉烧汁都喷出，海鲜炒饭冇几多海鲜，虾、鱿鱼、蟹柳咁就叫海鲜炒饭架啦，上面再洒数粒嘅红蟹子，饭粒炒得算干身，总评价价格偏贵，味道系唔错。…查看更多

系广州表字行头嘅好多餐厅都已港式为主，呢间表少餐厅有3层楼，1、3楼系非吸烟区，咁啱一楼有卡座位就坐低了，都几旺场下，环境好有怀旧港式感觉，墙壁都挂住旧时代歌手或其他文艺嘢，睇睇餐牌价格尚算接受得到，要佐个瑞士鸡翼西多士加杯热奶茶，瑞士鸡翼嘅瑞士汁其实咪就系用豉油嚟制做，系调料过程中带点特别味道，鸡翼黑蚊蚊嘅感觉以为烧焦其实唔系，系D瑞士汁掩盖了，所以味道好入味肉质好嫩，奶茶唔错几丝滑唔似D冲制调出嚟，西多士好耐都冇食过了，外面金黄香脆里面就软软口感。…查看更多

远景路驰名嘅韩国街亦都好多韩国料理，路程远就远佐少少，朋友带路前往韩都美食，环境一般般唔多似食韩国料理普通饭店一样嘅感觉，我哋几个静静坐住等食有人负责全程点餐，餐前有各种嘅小食中可以免费添加，钉螺、玉米沙律、泡菜等等小食，炸酱捞面份量好大一碗，虽然普普通通但味道好浓郁，唔同我哋广州食嘅炸酱微辣有肉粒感觉，呢个系纯酱料捞面而成，大大一个抽烟机开启烤肉，唔使我哋动手服务员负责到底，肉质好嫩口，可以包住一片生菜再添加酱料一齐食，味道唔错咁就唔会觉得满满都是肉。…查看更多

好少嚟大家乐餐厅食嘢，因为附近好似冇咩快餐店可选被逼嚟大家乐，我比较喜欢大快活多D...环境都算几大有窗边卡座位置，就比较热但系我又喜欢坐呢D位，望住窗外嘅镜进食心情都舒爽D，睇匀晒餐牌都唔食乜好，求其点佐个牛腩米粉加冰镇奶茶，一上嚟碗就够大啦，里面嘅份量就不敢恭维咯，牛腩好碎小一件，口感都算入味焖得还算淋，汤底比较淡冇乜牛腩汁味道，冰镇奶茶叫做入得口，口感唔似立顿冲制，都几丝滑好香茶味，甜度适中够冻唔错。…查看更多

探鱼重庆料理基本上都以辣为主，排队排多大半日先可以进食，食餐饭真的不容易吖...环境比较昏暗少少服务员手忙脚乱好似打战嘅状态，要饮水嘅自己去水吧斟，棒棒鸡冇谂到辣到嘴都麻痹嘅感觉，份量好少，红红嘅辣油沾满鸡肉都已经食唔出咩味道了，上面铺D花生芝麻葱花，炭烧糖醋排骨以一串嚟点，我哋5个人点佐5份，味道一般般蜜汁落得多甜丝丝嘅感觉骨感比较多肉肉比较少。…查看更多

第一次半夜三更驱车嚟食猪杂粥，听闻话12点嘅猪杂系最新鲜嘅，环境大排档地方都算几大，估唔到都咁多人嚟食，附近周边都有一两间饭店，好啦新鲜嘅猪杂当然要嚟煲粥，有猪腰猪面肉猪肠猪骨猪肝，咁多配料除佐猪骨之外都要嚟煲粥，加佐D枸杞叶好滑，粥水熬得好绵料好足够，酱爆猪肠入口好惹味仲加佐少少嘅猪面肉落去爆炒好够锅气，检验排骨觉得炸多过椒盐，满满都是排骨好少肉味道都算唔错嘅。…查看更多

好耐都冇嚟金捞自助火锅，装修前装修后貌似嚟过都系两三次，感觉一般般，食材比较少选择，估计最值钱嘅都系肥牛肥羊了，其他嘅都系普普通通嘅食材，金针菇、鸡肉、墨鱼丸、牛丸、芋丝、面筋、白贝、各类蔬菜等等，我哋两个要佐清补凉汤底，清清淡淡，先付款后进食一贯作风。…查看更多

128蚊4人餐十几种菜式任你选4样，禄鹅食过一次之后觉得味道唔错，砍件嘅都系鹅俾部位淡淡肉，芡汁做得唔错虽然就咁用豉油做出，虾酱豆角鱿鱼味道都唔错，浓浓嘅虾酱味，豆角同鱿鱼都入晒虾酱嘅鲜味，香煎马鲛鱼，喜爱食鱼嘅我爱不释手一个人食晒一条，两面煎得金黄香脆可口，再点一点配上嘅鱼露也有另一番嘅风味。…查看更多

萨莉亚已经系男女老少聚中地嘅餐饮美食，十几蚊就有交易嘅扒类意面类仲有畅饮，抵到烂啦出品又唔错上餐又快，蒜香鸡扒基本上每次嚟都会点嚟食，虽然唔似D西餐厅可以叫几成熟佢会全熟上台，但味道都唔差鸡肉唔会话“孩”仲几嫩口，煎到皮开表面金黄，上面仲铺满蒜香食完肯定口臭了，哈哈....伴碟有薯仔菠菜粟米，仲有配上烧烤汁，随个人喜爱可点可不点…查看更多

最近喜爱上点都德饮茶，有时候嚟得基本唔使等位自行上楼搵位就可以了，直到11点几嘅时候就不断多人开始排队了，坏境几好好有西关风情，点心都唔错价格都适中，饮茶系功夫茶，每次点心必定会食鲜虾蟹子干蒸，一笼4粒红红嘅虾铺系干蒸面头再加数粒嘅蟹子，入口卜卜脆嘅感觉虾爽口，干蒸皮薄仲好香蛋味里面嘅肉爽口，陈醋凤爪一碗4只，开胃酸酸感觉，凤爪爽口里面嘅骨髓都入晒陈醋味道。…查看更多

去十四涌海鲜市场买料再搵D大排档加工，呢度嘅海鲜总类都算几多基本都係个几样咯，鱼虾蟹鲍鱼生蚝等等嘅，价格都算偏贵小小咯，买完搵佐间叫肥仔大排档加工，话比老细知D材料点煮就OK啦，环境就大排档形式，买佐圣子嚟炒D肉都几大一粒嘅，份量都唔会小佐，姜葱炒蟹好耐都冇食过啦，一直都怕刺到口损所以唔会食佢，D壳里面都有小小膏嘅，蟹肉好扎实，好鲜味唔错，再嚟店里嘅小炒，必须炒翻D青菜嚟食下啦，样样都好够锅气。…查看更多